Selchuk

De Biquipedia
Ir ta: navego, busca

Selchuk (en turco Selçuk, en arabe السلاجقة u Selchuc, trasliterando a letra chim como ch) estió o eponimo y fundador d'a dinastía selchucida.

Biografía[editar | editar código]

Selchuk perteneixeba a la tribu kinik d'a branca Oguz d'os pueblos turquicos. Yera fillo de Duqab, qui se deseparó con o suyo clan d'o grueso d'as tribus oguzas y establió o suyo campamento en a marguin dreita d'o río Sir-Daria (Iaxartes en latín). Selchuk fació remontar os suyos orichens a lo mitico rei Afrasiab trenta y quatre cheneracions enantes. Tenió tres u quatro fillos: Isra`il, Mikha'îl, Mûsâ (y Yûnus). Estos nombres biblicos suchieren relacions con cristians nestorins u con o chudaísmo d'os gazaros. Manimenos lur uso ye precedito por Arslan, o totem tribal d'o lión.

En l'anyo 985-986 a tribu se vei forzata a emigrar, empentata por a escaseza de pasturas u por os chineses u por atras tribus. S'establioron en Transoxiana en dirección Bukhara. Mientres este periodo a tribu se convirtió a lo Islam. O soldán Gaznevida Mahmud, que dominaba a rechión prebó de fer d'ellos os suyos auxiliars.

Arslan-Isra`îl fue ninviato por Mahmûd, a lo Corastén y dimpués a la campanya d'o Caucaso. Esto estió un precedent d'a conquiesta d'Anatolia, obra d'o suyo nieto, que fundará o Soldanato de Rum. Arslan-Isra`îl vesitó a Mahmûd, o soldán siente que a puyanza melitar d'Isra`îl li fa sombra y lo fa prisionero, morindo siet anyatas dimpués. Enantes de morir ninvió un mensache a os suyos chirmans incitando-los a apoderar-sen d'o reino.

Arslan-Mikha'îl y Arslan-Mûsâ permaneixioron en o Khorezm. Os fillos de Arslan-Mikha'îl, Tuğrul Beg (Tuğrul : "falcón") et Çağri Beg (Çağri : "sacre", "esparvero"), esdevenioron os capitostes de tribu y fuoron acceptatos por as poblacions d'o Corastén. Trescurzoron l'Amur-Daria (en latín: Oxus) y ocuporon as diez grans ciudatz d'o Corastén, Merv y Nichapur (1028-1029).

En 1030, o gazneví Mahmûd ye muerto y ye reemplazato por o suyo fillo Mohammed a qui destronoron en 1031, estando reemplazato por Mas`ûd.

A conversión a lo Islam sunnita permitió a los Selchucidas d'estar libres d'ataques en nombre de l'Alchihad por parte d'atras tribus islamizatas, y tener o pretexto d'atacar por hereches a los Buyitas xiitas. Por estar sunnitas yeran millor recibitos por a población que los veyeban como libertadors.

Selchuk ye muerto en as envueltas de 1038.