Recurso natural

Parque eolico en La Muela. Lo viento ye un recurso renovable, encara que la producción d'enerchía electrica en los aerocheneradors presente aspectos escuros y polemicos.

Rete d'arrocegamiento con peixes. La pesca yera un recurso renovable dica 1989.

Recurso natural ye tot lo que la humanidat puet obtener de la naturaleza pa satisfer las suyas necesidatz basicas y atras necesidatz que surten de lo suyos deseyos u apetencias.

D'alcuerdo con la capacidat de recheneración d'un recurso a escala humana se clasifican en dos tipos: renovables y no renovables.

Los recursos no renovables son en cantidatz fixas en la crosta terrestre y se cheneran en procesos cheolochicos con duracions muito luengas (de escala cheolochica), y no se recheneran a escala humana. En son eixemplos los combustibles fósils (carbón, petrolio, gas natural) y los recursos minerals (fierro, aluminio, arambre, uranio).

Los recursos renovables no los acotola l'actividat humana. En son eixempls claros la enerchía solar, los vientos y las ondas marinas.

Bells autors distinguen un tercer tipo, los recursos que la humanidat puet acotolar si bi n'ha sobreexplotación u un consumo que sobrepuye la suya capacidat de recheneración, que de feito ya s'ha desveniu en muitos casos. N'esta categoría son la pesca, las selvas, la biodiversidat, l'augua de los ríos y l'aire limpio, tradicionalment consideraus como recursos renovables.

Bibliografía

• Diodora Calvo Aldea, Maria Teresa Molina Álvarez, Joaquín Salvachúa Rodríguez "Ciencias de la tierra y medioambientales". 2º Bachilleraro. 2010 McGrawHill.