Quagga
De Biquipedia
 |
Iste articlo tien una bersión escrita con una grafía alternatiba esperimental propuesta por bels biquipedistas á dintro d'o Biquiproyeuto:Grafía. Puede beyer-se aquí. |
| Quagga | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 Quagga en o zoolochico de Londres en 1870. |
||||||||||||||||||
| Estato de conserbazión | ||||||||||||||||||
|
||||||||||||||||||
| Clasificazión zentifica | ||||||||||||||||||
|
||||||||||||||||||
| Nomenclatura binomial | ||||||||||||||||||
| Equus quagga | ||||||||||||||||||
| Boddaert, 1785 |
A quagga u zebra quagga (Equus quagga quagga (Boddaert, 1785)) estió una sozespecie d'a zebra d'as planas (E. quagga), enantes muito abundant, pero que s'estinguió en o sieglo XIX. Túbon carauteristicament os cuerpos suyos sin de rayas por a contra d'a resta d'espezies de zebras, e con a espalda e las ancas de color marrón royenca.
Abión as rayas restrinchitas sólo que ta la cabeza, o cuello e los costatos, con a espalda e lo culo de color marrón e las patas completament blancas. Todas estas diferezias respeutibes á las otras zebras fízon que orichinalment la quaternasen drento d'altra espezie diferent, en os tiempos d'a suya primera clasificazión en o 1788. Atualment, as quaggas han estato los unicos animals estinchitos que se n'ha puesto quitar lo DNA, permitendo asinas que se demostrase que eban estato siempre una sozespezie más d'a zebra d'as planas.
As quaggas formón siempre rebaños en o sur de Surafrica, más que más en a probinzia de Lo Cabo. O suyo nombre probiene d'a luenga d'o pueblo Khoi (os Hutentotes) e ye onomatopeyico en o suyo orichen, deribato d'o relincar carateristico d'estas bestias.
As quaggas estión cazatas furament con a plegada d'os primers olandeses por a suya carne e la suya piel. En o sieglo XIX, a colonizazión d'o interior d'o continente por os Bóers que no quereban a soberania inglesa en a colonia fízo que se matasen zientos d'exemplars, enmarcata en un plan pa esterminar os animals salbaches d'a redolada pa emplegar os praus como sostento pa la ganadería. A poblazión d'estos animals en libertat la fízon deszender profusament en aquels años, dica que la sozespezie yera ya estinchita de raso en Surafrica en l'año 1870. O 12 d'agosto de 1883 morió en o parque zoolochico d'Amsterdam o zaguer exemplar d'este animal, perdendo-se ta cutio la sozespezie con él.
A disponibilidat d'o DNA d'a quagga no ha feito que s'emprenzipase garra procheuto pa recuperar-la meyant a clonazión. No ostant, han feito operatibo en Surafrica, dende 1987, un procheuto de cría seleutiva d'exemplars d'una sozespezie parellana en a que se mira de quitar-ne los exemplares naxitos con carateristicas más semilars á la quagga e reproduzir-los d'entre ellos. O Procheuto Quagga lo emprenzipón con 205 zebras criyaderas d'o bezino Parque Nazional d'Etosha, en Namibia.
[editar] Enrastres externos
Se beigan as imachens de Commons sobre Quaggas.- (en) Pachina oficial d'o Procheuto Quagga
