Azeto desoxirribonucleico
De Biquipedia
L'Azeto desoxirribonucleico, tamién conoixito per as siglas latinas ADN u en l'ambito zentifico més per as siglas anglosaxonas DNA (de l'anglés Deoxyribunucleic acid), ye un azeto nucleico que contiene totas las instruzions cheneticas que s'emplegan en o desarrollo e funzionamiento d'os sers bibos e tamién de cualques virus. A funzión prenzipal d'o DNA ye l'almagazenamiento d'a informazión á luengo plazo. O DNA s'ha quiesto comprar á ormino con una rezeta de cozina, una plantilla u dica un codigo, pos be son compresas totas as instruzions requiestas ta produzir altros componentes d'as zelulas, como as proteínas e moleculas de l'altro prenzipal azeto nucleico d'os sers bibos, l'azeto ribonucleico (RNA). Os segmentos d'a molecula de DNA que lieban ixa informazión se son ditos chens, pero altras secuenzias de DNA tienen una funzión estrutural u se troban implicatos en a regulazión de l'uso d'ixa informazión chenetica.
Dende lo punto d'embiesta quemico, o DNA se composa de dos polimers luengos d'unidaz simples, ditas espezificament desoxirribonucleotidos (fendo a destinzión d'os nucleotidos d'RNA u ribonucleotidos), con un tranco feito de zucres e grupos fosfato chuñitos con enlazes de tipo fosfodiéster. As dos catienas polimericas s'estienden en sentito contrario, e per ixo diz que son antiparalelas. Cadagún d'os zucres se troba chuñito con una base nitrochenata d'un d'os cuatre tipos que be n'ha.
[editar] Enrastres esternos
Se beigan as imachens de Commons sobre Azeto desoxirribonucleico.
