Porta-avions

De Biquipedia
Ir ta: navego, busca
L'USS Enterprise (CVN-65), porta-avions d'os Estatos Unitos.

Un porta-avions ye una nau de guerra u vaixiello disenyata ta desplegar y recullir avions, actuando como base aeria naval.

Os porta-avions permiten a las fuerzas navals tener protección aeria a gran distancia sin amenistar bases aerias terrestres. As armatas modernas emplegan iste tipo de nau, como nau insignia, un papel que d'antis mas preneba o acorazato. O cambeyo parte d'a creixent importancia d'a superioritat aeria como parti clau d'a guerra moderna, que prencipió en a Segunda Guerra Mundial.

Os porta-avions sin d'escolta se consideran vulnerables a l'ataque d'atros vaixiellos, avions, submarins u misils, y por ixo viachan en grupos de batalla. A esferencia d'atras naus capitals d'o sieglo XX, a unica limitación en o suyo disenyo ha estato o presupuesto.

Cubierta de vuelo[editar | editar código]

F/A-18 Hornet en a cubeirta de vuelo d'un porta-avions d'a clase Nimitz.
O trampolín final d'o porta-avions HMS Invincible d'a Royal Navy.

Os porta-avions de disenyo moderno contan con una cubierta plana, a modo de pista de despegue y aterrizache, que ocupa a parti superior de vaixiello y a mayor parti d'a suya eslora. Os avions despegan por a prova y aterrizan por popa.

Os porta-avions navegan a velocitat alta y rumbo contra o viento mientres os despegues, ta incrementar a velocitat aparent d'o viento en a cubierta y asinas facilitar a maniobra de despegue d'os avions.

Atros elementos d'a cubierta de vuelo s'esferencian en función d'os tipos d'avions emplegatos: convencionals u bien V/STOL y helicopters. En o primer caso (como por eixemplo os grans porta-avions d'os Estatos Unitos) requieren de catapultas especials que dan un empentón adicional que permite despegar a os avions. D'atra man ta reducir a distancia en os aterrizaches se fa servir un sistema de cables que s'acollan a o gancho de coda que levan os avions. Un sistema diferent ye o emplegato por avions de despegue curto como os Harrier, requiere d'una cubierta de vuelo con un trampolín final (una chicota elevación) y aterrizan autonomament de traza vertical. Os helicopters aterrizan y despegan verticalment permitindo operar, amás d'os porta-avions, en destructors u fragatas con cubierta de vuelo.

Se veiga tamién[editar | editar código]