Opel

Adam Opel GmbH
Datos chenerals
Eslogan	Wir leben Autos
Establimiento	1863
Localización	Rüsselsheim, Alemanya
Enfiladors	{{{enfiladors}}}
Industria	Auto
Productos	Auto
Beneficios	{{{reuto}}}
Emplegatos	{{{emplegaus}}}
Pachina web	www.Opel.com

Adam Opel GmbH (a sobén conoixita como Opel) ye una interpresa d'autos d'Alemanya. A companyía fue establita o 21 de chinero de 1863 y prencipió a producción d'autos en 1899. Opel fue adquirita por General Motors en 1929 y contina estando una interpresa subsidiaria. Opel ye a marca más gran de GM en Europa y forma chunto Vauxhall o nuclio d'a multinacional en Europa.

A companyía fue establita o 21 de chinero de 1863 por Adam Opel, y en primeras feba mas que mas maquinas de cusir. Adam Opel morió en 1895, quan a suya interpresa yera líder en Europa en producción de maquinas de cusir y produciba mas de 2.000 bicicletas anyalment. Facioron os primers autos en 1898 comprando os dreitos a Lutzmann y vendendo-los como Opel-Lutzmann. Manimenos dos anyadas dimpués se sinyó un nuevo alcuerdo de licencia con Automobiles Darracq S.A. de Francia ta manufacturar vehíclos baixo o nombre d'"Opel-Darracq". Os vehíclos Opel yeran muntatos sobre una carrocería Darracq y movitos por una maquina de 2-celindros.

Ya en 1906 prencipioron a fer autos con disenyo propio, con os mesmos disenyos que heban amostrato en a Feria d'o Motor d'Hamburgo en 1902. En 1907 se fació o zaguer Opel-Darracq.

En 1911 bi habió un incendio y a fabrica se cremó y una atra nueva fue construita con nuevas maquinas. Dende allora se remató a producción de maquinas de cusir y se continó fendo bicicletas, autos y motoretas. En 1913 yera o primer fabricant d'autos d'Alemanya.

Historia

Inicios d'a interpresa

Adam Opel establió a suya fabrica de maquinas de cusir en 1886, en 1887 y siguindo o eixemplo d'as fabricas de Coventry pasó tamién a fabricar bicicletas. A Adam Opel no le cuacaban os automóbils y quan morió en 1895, os suyos fillos estioron os que se planteyoron a posibilidat de dentrar en o nuevo negocio debito a la cayita de ventas d'as bicicletas. Asinas mercoron Anhaltische Motorwagenfabrik en 1897. Ubrió as suyas puertas o 21 de chunio de 1899, y en o primer anyo se fabricoron 11 automovils.

En 1900, por diferencias d'opinión entre os Opel y os directivos d'a fabrica adquirita se zarró o departamento d'automóbils. Ta contrarrestar-lo, pasoron a importar Renault y Darracq desde Francia, adquiriendo a licencia de fabricación d'os Darracq (Opel-Darracq). En 1902 se presentó o primer auto 100% propio: un 2 celindros, 10/12PS y 1894 cc. En 1904 amaneixió o suyo primer 4 celindros, y en 1905 un motor ya gran con 6880 cc y 35/40PS. Encara que a base d'a marca yeran os modelos chicotz como "Volksautomobil" y o popular "Doktorwagen".

O periodo d'entreguerras

Opel Laubfrosch de 1924.

Antis d'a Primera Guerra Mundial, en 1914, a gama ya yera muit ampla y gosaba ufrir dica 100 CV. En 1916 presentan o suyo primer 6 celindros. Con a redota en a guerra, a situación economica alemana empioró, por o que os 6 celindros no teniron exito. A base tornaban a estar os autos asequibles. Debant d'ista situación, Opel decidió que o futuro yera en a producción a ixena d'un coche popular que s'adaptara a la demanda d'o mercato alemán. Asinas en 1924 s'instaló a cadena de producción y prencipió a producir en grans cantidatz o 4 celindros de 951 cc Laubfrosch, que tenió exito a l'inte.

En marzo de 1929 General Motors mercó o 80% d'a companyía incrementando a suya adquisición a o 100% en 1931. A familia Opel s'embolsó $33.3 millons de dolars en a transacción.

L'Opel P4, desenvolicato de tot por General Motors prencipió a construir-se en septiembre de 1935 y se comercializó en Alemanya a un precio muit baixo. Tenió una gran aceptación gracias a la suya economía y disenyo vanguardista. Nomás estió dos anyos en o mercato, ya que fue paralizata a suya producción en 1938 quan s'heban construito 65.864 unidatz. A causa d'a suya fin estió l'aparición d'o Volkswagen (VW), concebito y emparato por o rechimen de Hitler.

En 1935 apareixe l'Olympia, modelo conmemorativo d'os Chuegos Olimpicos de Berlín 36. A l'anyo siguient apareixe o primer Kadett que se convierte en l'auto mas vendito d'Alemanya con 107.000 unidades fabricatas dica 1941. Antis d'a Segunda Guerra Mundial o dominio d'Opel en o mercato alemán yera granizo con una cuota d'o 40%.

Opel en Aragón

Opel Corsa D.

Opel Meriva

Autos actuals

Opel Agila	Opel Ampera	Opel Antara	Opel Astra	Opel Corsa	Opel Insignia	Opel Meriva	Opel Zafira	Opel Combo	Opel Vivaro	Opel Movano
2000–present	2011–present	2006–present	1991–present	1982–present	2008–present	2002–present	1999–present	1994–present	2001–present	1999–present

Modelos OPC

Opel Astra OPC	Opel Zafira OPC	Opel Corsa OPC	Opel Insignia OPC
1999–present	2001–present	2007–present	2009–present

Vinclos externos

• Se veigan as imáchens de Commons sobre Opel.
• (es) Pachina web oficial