Mensa
De Biquipedia
 |
Por fabor, edita-lo ta cumplir con ellas. No borres iste abiso dica que no l'aigas feito. Colabora wikificando! |
 |
|
Mensa ye una organizazión ta presonas con elebato cozient inteleutual. L'unico requisito d'almisión ye obtener una puntuazión que siga en o 2% superior á la poblazión en un test d'intelichenzia.
[editar] Introduzión
Rolland Berrill, abogato australián y Lancelot Ware, zentifico e churista anglés, fundón Mensa en Anglaterra en 1946. A ideya suya yera creyar una asoziazión de superdotatos, on estase o coefizient inteleutual l'unico requisito d'almisión. L’obchetibo orichinal, que contina estando lo mesmo, yera creyar una asoziazión allena á cualsiquier mena d’esferenzias puliticas, relichiosas, ideyolochicas u nazionals. Mensa achunta á toda mena de presonas de cualsiquier prozedenzia y formazión con l’obchetibo de creyar un ambient sozialmén enriquidor. Mensa adempribia como preba d’ingreso un zertificato espediato por un sicologo debidamén autorizato ta exerzer a suya profesión y que siga capazitato ta fer prebas de coefizién inteleutual.
Mensa tiene bels 100.000 sozios en tot o mundo. O nombre de a organizazión biene de mensa (mesa en latín), en remeranza á la “mesa redonda” d’o Rai Arturo, como simbolo que ye un club con miembros que son iguals en dreitos y obligazions.
Paradochicament en parti de latinoamerica (Mexico. Guatemala, O Salbador, Onduras, Nicaragua, Ecuador, Chile, Costa Rica), “mensa” tiene coloquialment o sennificato de “fata” u “ababol”.
[editar] Ochetibos de Mensa
Mensa tiene tres ochetibos declaratos: identificar y promober a intelichenzia en benefizio d’a umanidat; promober a imbestigazión sobre a natura, carauteristicas y aplicazions d’a intelichenzia; y creyar un ambient sozial que fomente l’autibidat inteleutual d’os sozios suyos.
[editar] Organizazión
Mensa Internazional ye una agrupazión de Mensas Nazionals. Os sozios que residen en un país do bi ha una Mensa costituyita pertenexen á dito grupo, mientres que en países con no guaires sozios forman parti de Mensa Internazional. Os dos grupos prenzipals son American Mensa, con 50.000 sozios, y British Mensa (que incluye Reino Chunito y Irlanda), con bels 25.000. Mensa España funziona dende 1984 y en tiene arredol de 1.300 sozios. En o tocant á os países on se parla castellán, bi ha atros grupos nazionals reconoxitos en Archentina, autualment con más de 300 miembros, y Colombia.
