Maurizio Aznar
| Maurizio Aznar | ||
|---|---|---|
 |
||
| Información personal | ||
| Nombre | Mauricio Aznar Müller | |
| Embotada | ||
| Naixió |  Zaragoza25 de chinero de 1964 |
|
| Murió | Zaragoza 2 d'octubre de 2000 |
|
| Información mosical | ||
| Orichen | ||
| Estilo | ||
| Ocupancia | ||
| Instrumentos | ||
| Tiempo | 1983-2000 | |
| Discograficas | ||
| Relacionato con | Golden Zippers, Más Birras y Almagato | |
| Pachina web | ||
Mauricio Aznar Müller, anque el gosaba escribir Maurizio Aznar, (Zaragoza, 25 de chinero de 1964 - Zaragoza, 2 d'octubre de 2000) estió un poeta y mosico aragonés, lider d'as collas Golden Zippers, Más Birras y Almagato. Muitas d'as suyas cantas, como «Cass» u «Apuesta por el Rock and Roll», popularizata por Héroes del Silencio, ya son parti de l'herencio cultural d'a mosica rock feita en Aragón.
A suya trachectoria prencipia con a colla Golden Zippers, en os anyos 1980, fendo mosica rocker y rockabilly. En l'año 1983 quitan un disco sencillo con tres cantas, con o siello «Cara 2».
En 1984 creya Más Birras, a colla con a que plegaría enta os altars d'a mosica aragonesa, y que se fació popular en atros puestos dimpués de apareixer en Radio 3 d'a man de Jesús Ordovás o tema «Apuesta por el rock’n’roll», incluito en o suyo primer maxi-single Al este del Moncayo (1987). Ista canta fue escrita por Gabriel Sopeña, que encara la canta, anque fa bells anyos os Héroes del Silencio, quitoron una versión nueva que plegó enta totas as listas d'exitos.
Con Más Birras, Maurizio Aznar editó os LP Otra ronda (1988), La última traición (1990) y Tierra quemada (1992). Totz ellos con cantas d'o propio Maurizio Aznar y bells temas de Gabriel Sopeña.
En 1993 remata o recorriu de Más Birras con un concierto en os Pilars de Zaragoza, y Maurizio Aznar prencipia a triballar sobre atra d'as suyas pasions, o tango archentino y muitas atras formas d'o folklore sudamericano.
En os suyos zaguers anyos, y con a colla Almagato, encara en activo, y de conchunta con Jaime González, s'adedicó a extendillar o folklore d'a Pampa, en especial de Santiago del Estero, fendo cancions de cheneros como a chacarera, zambra o vidalita.
Antis de morir, en octubre de 2000, escribió un libro de poemas que encara no ha visto a luz. Dimpués d'a suya muerte, a ciudat de Zaragoza creyó un paseyo con o suyo nombre y se celebroron dos conciertos homenache con a partecipación d'os antigos miembros de Más Birras, Almagato, Amaral, Héroes del Silencio y atras muitas collas aragonesas.
[editar] Vinclos externos
- (es) Mauricio Aznar en a Gran Enciclopedia Aragonesa (en línea).
- (es) Busto y paseyo en Zaragoza de Maurizio Aznar.
- (es) Almagato Pachina web oficial d'o zaguer grupo de Maurizio Aznar
- (es) Más Birras Pachina web no oficial d'os Más Birras
