Maurice Garin

Maurice Garin
O ciclista valdostán Maurice Garin en 1897.
Información personal
Nombre	Maurice Garin
Calendata de naiximiento	3 de marzo de 1871
Puesto de naiximiento	Arvier (Val d'Aosta, Italia)
Calendata de muerte	19 de febrero de 1957
Puesto de muerte	Lens (Paso de Calais, Francia)
Esporte	Ciclismo
Información d'equipe
Equipe actual	Retirato
Disciplina	Carretera
Papel	Ciclista
Grans victorias
Ganador d'a clasificación cheneral d'o Tour de Francia de 1903. - Ganador d'a París-Roubaix en 1897 y 1898.

Maurice Garin

Maurice Garin, naixito d'Arvier (Val d'Aosta, Italia) o 3 de marzo de 1871 y muerto en Lens (Paso de Calais, Francia) o 19 de febrero de 1957, estió un ciclista valdostán naturalizato francés.

Entre atras victorias en o ciclismo, destaca por haber estato o primer ganador d'o Tour de Francia, en 1903.

Carrera profesional

Naixito d'Italia, Garin se naturalizó ciudadán francés en 1901. Antis d'estar ciclista estió esfollinador, por lo que a suya embotada estió petit ramoneur u petit ramoneur italien ("chicot esfollinador" u "chicot desfollinador italián", en francés). Dende a suya victoria en o Tour de Francia de 1903, nomás s'emplegó a primer embotada.

Ganó tamién o Tour de Francia de 1904, encara que fue descalificato 4 meses dimpués de rematar a cursa, por testimonios seguntes ell mesmo poco fiables, y a victoria correspondió asinas a Henri Cornet. Suspensa a suya participación en o ciclismo por dos anyadas, se retiró ta Lens, en o Paso de Calais, a on teneba un taller de reparación de bicicletas.

Palmarés

• 1893 : Dinant-Namur-Dinant
• 1893 : 800 kilometros de París (en pista)
• 1894 : 24 horas de Lidje (en pista)
• 1894 : Premio d'Avesnes-sur-Helpe
• 1894 : París-Saint-Malo
• 1895 : 24 horas d'as Artes Liberal de París (en pista)
• 1895 : Guingamp-Morlaix-Guingamp
• 1895 : Recordman d'o mundo d'os 500 km por carretera dezaga d'entrenador: 15 h 02' 32", entre o 3 y o 4 de febrero
• 1896 : París-Le Mans
• 1896 : París-Mons
• 1896 : Lidje-Thuin
• 1896 : 3º en a París-Roubaix 1896
• 1897 : París-Roubaix 1897
• 1897 : París-Royan
• 1897 : París-Cabourg
• 1897 : Tourcoing-Béthune-Tourcoing
• 1898 : Paris-Roubaix 1898

Con o suyo masachista y o suyo fillo en 1903.

• 1898 : Tourcoing-Béthune-Tourcoing
• 1898 : Valenciennes-Nouvion-Valenciennes
• 1898 : Douai-Doullens-Douai
• 1898 : 50 km d'Ostende (en pista)
• 1898 : 2º en a Bordeus-París
• 1899 : 3º en a Bordeus-París
• 1899 : 3º en o Bol d'Or (en pista)
• 1900 : 2º en a Bordeus-París
• 1900 : 2º en o Bol d'Or
• 1900 : 3º en a París-Roubaix 1900
• 1901 : París-Brest-París
• 1902 : Bordeus-Paris
• 1903 : Tour de Francia 1903 (á más de quatre victorias d'etapa)
• 1904 : Tour de Francia 1904, descalificato dimpués de 4 meses de rematada a cursa, por «trapazas», seguntes testimonios poco creyibles, que negó tota la suya vida (2 victorias d'etapa).

Predecesor: Creyación d'a cursa	Tour de Francia 1903	Succesor: Henri Cornet
Predecesor: Maurice Garin	París-Roubaix 1897 y 1898	Succesor: Albert Champion