Josefsplatz

De Biquipedia
Ir ta: navego, busca
Wien Wappen.svg
Zaragoza street enseigne top.svg
Zaragoza enseigne tl.svg
Zaragoza enseigne tr.svg
Josefsplatz
Josefsplatz Wien.jpg
Ciudat Viena
Districto Wien Wappen Innere Stadt.png Innere Stadt
Vienna subdivisions (1).svg

Zaragoza enseigne bl.svg
Zaragoza enseigne br.svg

A Josefsplatz (en aragonés a Plaza de Chusé) ye una plaza centrica d'a ciudat de Viena, Austria. En o centro d'a Josefsplatz se troba un molimento con a estatua de grandaria real d'o emperador Chusé II sobre un caballo (1795–1806, obra d'o escultor Franz Anton Zauner).

A plaza ye zarrata por quantos edificios que fan parti d'o complexo d'o Palacio Imperial de Hofburg, entre os que destaca a librería nacional (Österreichische Nationalbibliothek) y o museu - un polito exemplo a gran escala de l'arquitectura barroca tardana, disenyato por Fischer von Erlach o Viello y Fischer von Erlach o Choven, con as alas laterals adhibitas dimpués baixo o disenyo de Nikolaus Pacassi. O museu ha sufrito en bella ocasión danyos catastroficos - a colección zoolochica fue destruyita por un canyón en a batalla de Viena en 1848, y l'ala Redoutensäle fue grieument danyata por o fuego en 1992.

En una esquina d'a plaza se troban os antigos Establos Imperials, que en otras envueltas yeran o puesto a on s'alzaban dica nueucientos caballos de raza lipizzana. Parti d'iste edificio ye hue a Escuela Espanyola d'Equitación mientres que atra parti ye una galería d'arte moderno.

A Josefsplatz fue seleccionata como motivo prencipal d'una d'as monedas austriacas de 5 euros ta conmemorar a presidencia austriaca d'a Unión Europea en l'anyo 2006. O reverso amostra o Palacio Imperial de Hofburg visto dende ista plaza. A estatua eqüestre de Chusé II ye en o centro d'a moneda. A la dreita se veye a Escuela Espanyola d'Equitación y a "Redoutensäle".

A Josefplatz apareixe como un scenario important en a cinta The Third Man (1949).

Vinclos externos[editar | editar código]