Escuela Espanyola d'Equitación

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
O semental Maestoso Basowizza montato por Andreas Hausberger

A Escuela Espanyola d'Equitación de Viena (en alemán Spanische Hofreitschule) ye una institución d'equitación d'a ciudat de Viena (Austria), centrata mas especialment en a especialidat d'a doma clasica, d'a que ye un d'os referents a ran mundial, tamién conoixita por l'uso que fa d'os caballos lipizzanos. Concretament situata en o Hofburg, ye amás un destín turistico vienés muit important.

Descripción[editar | modificar o codigo]

A escuela se troba situata aintro de l'antigo palacio imperial d'os Habsburgo, o Hofburg, d'o que ye un anexo. A escuela treballa preferentment con caballos lipizzanos (orichinarios de Lipizza, en l'actual Eslovenia), os qualos han contribuito a dar fama a la escuela (y tamién d'o revés, a escuela a os caballos).

Historia[editar | modificar o codigo]

A escuela fue establita en l'anyo 1572, estando una d'as pioneras en iste campo. O adchectivo "espanyola" deriva d'o feito de que orichinalment os caballos que se i feban servir yeran de raza espanyola, especialment dotatos ta a doma d'alto nivel. Manimenos a institución ye mas viella que o propio edificio a on se i troba, ya que estió l'emperador Carles VI d'o Sacro Imperio y III d'Aragón, qui fació construir o nuevo edificio d'o famoso picador[1] entre 1729 y 1735, considerato por muitos como o millor d'o mundo, a l'arquitecto Johann Bernhard Fischer von Erlach. O suyo fillo Joseph Emanuel Fischer von Erlach continó con o disenyo y a construcción. Pareixe que s'emplegó como modelo, a capiella d'o palacio de Versailles.[2]

Se veiga tamién[editar | modificar o codigo]

Referencias[editar | modificar o codigo]