Igea

Igea
Municipio d'a Riocha
Entidat  • Estato  • Comunidat  • Comarca	Municipio Espanya  A Riocha Comarca de Cervera
Superficie	54,25 km²
Población  • Total	689 hab. (2006)
Altaria	546 m.
Distancia  • 87 km	enta Logronyo
Codigo postal	26525
www.AytoIgea.org

Igea ye un municipio d'A Riocha, situato a 87 km de Logronyo. A suya población ye de 689 habitants (2006), en una superficie de 54,25 km² y una densidat de 12,7 hab/km².

Toponimia

Dica meyatos d'o sieglo XVI s'escribiba Exea, enta 1550 encomenzó a escribir-se Yxea. Tamién s'escribiba antes més Ixea de Cornago. En o sieglo XVII se produció un cambio fonetico d'alcuerdo con a evolución d'o fonema fricativo xordo d'a x enta la j velar castellana actual, y en o sieglo XVIII s'escribe ya Igea.

Asobén han considerato que ye un toponimo vasco por o pareixito superficial con etxea ("casa"). Manimenos bi ha toponimos pareixitos luent d'o territorio vascoparlant como Exeya d'Albarrazín. Tamién a man d'o territorio vascoparlant bi ha toponimos pareixitos como Exeya d'os Caballers, pero provién de Segia, interpretable por as luengas celticas, que antigament se charraban tanto en Igea como en as dos localidatz mencionatas.