Guerra d'Hibierno

De Biquipedia
Ir ta: navego, busca
Guerra d'Hibierno
Segunda Guerra Mundial
Finn ski troops.jpg
Tropas finesas, fendo servir esquís.
Información cheneral
Calendata: 30 de noviembre de 1939 - 12 de marzo de 1940
Puesto: Muga entre Finlandia y a URSS
Resultato: Victoria sovietica
En conflicto
Flag of the Soviet Union.svg Unión Sovietica Flag of Finland.svg Finlandia
Comandants
Flag of the Soviet Union.svg Kliment Voroshílov
Flag of the Soviet Union.svg Semion Timoshenko
Flag of the Soviet Union.svg Semión Budionni
Flag of Finland.svg Carl Gustaf Emil Mannerheim
Soldatos
22 divisions (bells 450.000 hombres) 9 divisions (bells 180.000 hombres)
Baixas
127.000 muertos
265.000 feritos
3.100 prisioners de guerra
23.000 muertos
43.557 feritos
~1.000 prisioners de guerra
Guerra d'Hibierno
Incident de MainilaBatalla de TolvajärviBatalla de SuomussalmiBatalla de KeljaBatalla de TaipaleBatalla de SummaBatalla d'a carretera de RaateBatalla de KuhmoBatalla de HonkaniemiBatalla de KollaaBatalla de SallaBatalla de Petsamo

A Guerra d'Hibierno (en finés talvisota, en sueco vinterkriget, en ruso Зимняя война) ye un conflicto armato entre Finlandia y a Unión Sovietica (URSS) que se produció antes que encomenzase a Segunda Guerra Mundial en o frent oriental.

Dimpués d'a ocupación de Polonia oriental por as tropas sovieticas, a URSS desichió a os países balticos vicins a concesión de territorios que permetesen asegurar militarment a situación de Leningrado.

Finlandia refusó a desichencias, por o que en noviembre de 1939 300.000 soldatos sovieticos envadioron Filandia. As tropas finlandesas derrotoron a los rusos dos vegatas en Suomussalmi o 31 d'aviento de 1939 y o 8 de chinero de 1940. Sindembargo o Exercito Royo sovietico penetró finalment en Carelia. As accions de fustigamiento d'as unidatz liucheras d'esquiadors finlandeses y un frido intenso impidió o suyo avance y dica los obligó a retacular, pero finalment o exercito finlandés se desgastó, teneba poca aduya y remató perdendo a iniciativa a principios de febrero.

Territorios perdius por Finlandia en a Guerra d'Hibierno, texto en anglés.

O 14 de marzo os sovieticos prenioron o itsmo de Viborg y siguioron o suyo abance. Finlandia habió de solicitar a paz, y por o Tractato de Moscú d'o 12 de marzo de 1940 habió de ceder a la URSS o itsmo de Carelia con Viborg incluyiu, as costas septentrionals d'o Lago Ladoga[1], a part occidental d'a peninsula de Rybachy, a rechión de Salla, y as islas de Gogland, Tytärsaari, Lavansaari, Peninsaari y Seiskari en o Golfo de Finlandia. Por este tractau a peninsula de Hanko fue arrendada a la URSS por 30 anyadas pa que i construisen una base militar.

Referencias[editar | editar código]

  1. (es) André Sellier, Jean Sellier: Atlas de los pueblos de Europa Central. Acento editorial, p 54.

Vinclos externos[editar | editar código]