Forbidden Planet

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Forbidden Planet
Ficha tecnica
Dirección Fred M. Wilcox
Producción Nicholas Nayfack
Guión Cyril Hume
Musica Bebe Barron
Louis Barron
Fotografía George J. Folsey
Montache Ferris Webster
Actors Walter Pidgeon
Anne Francis
Leslie Nielsen
Warren Stevens
Robby lo Robot
Datos y cifras
País(es) Estaus Unius
Anyo 1956
Debantadera 20 d'abril de 1955 Estaus Unius[1]
Chenero(s) Cine de ciencia-ficción
Durada 98 min.
Idioma(s) Anglés
Companyías
Productora(s) Metro-Goldwyn-Mayer
Distribución Metro-Goldwyn-Mayer
Presupuesto 1,968,000 dólars
Informacions en bases de datos especializadas:

Forbidden Planet (títol orichinal en anglés, enguerada en Aragón con o títol en castellano Planeta prohibido) ye una cinta estausunidense de cine de ciencia ficción de l'anyo 1956, dirichita por Fred M. Wilcox seguntes un guión de Cyril Hume (basato en l'obra de teyatro The Tempest, de William Shakespeare), con una dirección de fotografía de George J. Folsey y una banda sonora de Bebe Barron y Louis Barron.[2] En o suyo reparto incluye a destacatos actors como Walter Pidgeon,Anne Francis u Leslie Nielsen y ye considerada una d'as grans cintas de ciencia ficción d' os anyos 1950, precursora d'o cine de ciencia ficción contemporanio.

Forbidden Planet estió pionero en diversos aspectos d'o cine de ciencia ficción. Estió a primera cinta de ciencia ficción en representar a os humans viachando en una nau estelar mas rapida que a luz d' a suya propia creyación. Tamién estió a primera en establir-se de tot en atro planeta en l' espacio interestelar, muit luent d' a Tierra. O personache de Robby lo Robot ye uno d' os primers robots cinematograficos que yera mas que una simple "lata" mecanica con patas; Robby amuestra una personalidat distinta y ye un personache secundario integral en a cinta. Fuera d' a ciencia ficción, a cinta estió innovadora como a primera de cualsiquier chenero en fer servir una partitura musical de tot electronica, de Bebe y Louis Barron.[3]

L'equipo d' efectos de Forbidden Planet estió nominau pa o Premio Oscar d'os Millors Efectos Visuals en a 29ª edición d' os Premios d' l' Academia. En 2013, a cinta s'inscribió en o Rechistro Nacional de Cine d' a Biblioteca d'o Congreso d'Estaus Unius y se consideró "significativa dende o punto d' anvista cultural, historico u estetico". Tony Magistrale lo describe como uno d' os millors eixemplos de tempranos de tecno-horror.[4]

Reparto[editar | modificar o codigo]

Argumento[editar | modificar o codigo]

O comandant d'a nau espacial C-57D John J. Adams (Leslie Nielsen) y Altaira (Anne Francis).

En o sieglo 23, a nau espacial C-57D de United Planets plega a la distant planeta Altair IV pa determinar o destín d'una expedición terrestre ninviada allí 20 anyos antis. O Dr. Edward Morbius, uno d' os cientificos d' a expedición, advierte a la nau de socorro que no aterrice, decindo que no puede guarenciar a suya seguranza, pero o comandant d'o C-57D, John J. Adams, ignora a suya alvertencia.

Dimpués d'aterrizar, Adams y os tenients Jerry Farman y "Doc" Ostrow son recibius por Robby lo Robot, qui los transporta ent'a residencia de Morbius. Morbius describe cómo, uno por uno, a resta d' a expedición estió asasinada por una "fuerza planetaria" y que a suya nau estelar, o Belerofont, se vaporizó cuan os zaguers supervivients intentoron desapegar. Solament Morbius, a suya esposa (que dimpués murió por causas naturals) y a suya filla Altaira yeran de bella traza immunes. Morbius s'ofreix a aduyar-los a preparar-se pa tornar a casa, pero Adams diz que ha d'asperar mas instruccions d' a Tierra.

A l'atro'l día, Adams troba a Farman tractando de seducir a Altaira; Furioso critica a Altaira por a suya inchenuidat con os tripulants y lo que él considera a suya ropa excesivament reveladora. Ella informa de l'incident a Morbius, alegando que nunca deseya tornar a veyer a Adams, encara que dimpués disenya ropa nueva y mas conservadora pa apaciguar a Adams. Ixa nueit, un intruso invisible saboteya l'equipo a bordo d'a nau estelar. Adams y Ostrow intentan concarar a Morbius sobre isto a la maitín siguient. Mientras aspera, Adams sale pa charrar con Altaira. Se desincusa por o suyo comportamiento y se besan. Cuan son atacaus inasperadament por o tigre mascota d' Altaira, Adams lo desintegra con a suya pistola desintegradora.

Cuan amaneixe Morbius, Adams y Ostrow s' enteran de que ha estato estudiando a os Krell, una raza nativa muit abanzada que perexió mientres una nueit 200.000 anyos antis. En un laboratorio d'os Krell, Morbius les amuestra un "educador plastico", un dispositivo capaz de mesurar y potenciar a capacidat intelectual. Cuan Morbius lo usó por primera vegada, tasament sobrevivió, pero o suyo intelecto se duplicó permanentment. Morbius os leva en un recorriu por un chigant complexo de maquinas subterranias Krell, un cubo de 32 km de luengo en cada costau, encara en funcionamiento y alimentau por 9,200 reactors termonucleyars, operando en tándem. Posteriorment, Adams exiche que Morbius entregue os suyos escubrimientos a la Tierra. Morbius, manimenos, afirma que "l'humanidat encara no ye presta pa recibir tal poder ilimitau".

Adams ordena a la tripulación que ericha una cleta de campo de fuerza arredol d' a nau estelar pa evitar mas sabotaches. Resulta ineficaz cuan l' intruso invisible torna y asasina a l' incheniero chefe Quinn. Morbius advierte a Adams d' a suya premonición de mas ataques mortals, semellant a lo que succedió con o Belerofont. Ixa nueit, a creatura invisible torna y se perfila en o campo de fuerza d'a cleta. As armas blaster d'a nau no tienen garra efecto y a creatura mata a Farman y a atros dos tripulants. Morbius, adormiu en o laboratorio de Krell, se dispierta esparpallau por os chilos d' Altaira. En o mesmo inte, a creatura ruchient desapareixe.

Mas tardi, entre que Adams intenta persuadir a Altaira de que se vaiga, Ostrow s' escapa pa fer servir a l'educador Krell. Ye fatalment feriu, pero con os suyos zagueras parolas, Ostrow le diz a Adams que a gran maquina estió construida pa creyar cualsiquier coseta a partir d'o pensamiento. Manimenos, diz que os Krell s' ixuplidoron d' una coseta: "os mostros de l'Id". Os suyos propios deseyos subconscients basicos, daus ramal suelta y poder ilimitau por a maquina, provocoron a suya rapida extinción. Adams afirma que a mente subconscient de Morbius creyó a creatura que mató a la expedición orichinal y atacó a la suya tripulación. Morbius se niega a creyer-le.

Dimpués de que Altaira le diz a Morbius que tien l'intención d'ir-se con Adams, Robby detecta que a creatura s'amana. Morbius le ordena a Robby que mate a lo mostro, pero o robot sabe que o mostro ye una creyación d' a mente subconscient de Morbius y él mesmo s'amorta en cuenta de fer mal a Morbius pa aturar-lo. Adams, Morbius y Altaira se refuchian en o laboratorio de Krell, pero a creatura redite as puertas. Morbius finalment accepta a verdat. Se enfrontina a la creatura y a repuya, pero a reacción violenta le fiere de muerte. O mostro de l'Id s'esvanexer. Antis de que Morbius muera, enganya a Adams pa que active una secuencia d'autodestrucción planetaria y les diz que abandonen a planeta ascape. A una distancia segura, Adams, Altaira, Robby y a tripulación sobreviviente ven a destrucción d'Altair IV. Adams dimpués aconsola a Altaira decindo que ista trachedia servirá como un recordatorio de que, "... dimpués de tot, no somos Dios". A nau estelar parti ent'a Tierra.

Producción[editar | modificar o codigo]

Robby lo Robot yera muit caro y representó cuasi o 7 % d'o presupuesto d'a cinta.

O guión de Irving Block y Allen Adler, escrito en 1952, orichinalment se titulaba Fatal Planet. O zaguer borrador d'o guión de Cyril Hume cambió o nombre d' a cinta a Forbidden Planet, perque se creyeba que teneba un mayor atractivo de taquilla. O drama de Block y Adler teneba puesto en l'anyo 1976 en a planeta Mercurio. Una expedición terrestre encabezada por John Grant ye ninviada a la planeta pa recuperar a lo Dr. Adams y a suya filla Dorianne, qui han estato varaus astí mientres vinte anyos. A partir d' alavez, a suya trama ye a mesma que a d' a cinta completa, encara que Grant ye capaz de rescatar tanto a Adams como l' a suya filla y escapar d'o mostro invisible que os aguaita.

Os sets de filmación de Forbidden Planet se construyoron en un escenario sonoro de Metro-Goldwyn-Mayer (MGM) en a suya lote de rodache de Culver City y estioron disenyaus por Cedric Gibbons y Arthur Lonergan. A cinta se rodó de tot en interiors, con todas as escenas exteriors d' Altair IV simuladas por meyo de decoraus, efectos visuals y pinturas mate.

Se construyó una maqueta de grandaria completa de belas tres cuatrenas partis d' a nau estelar pa sucherir a suya ampla total de 51 m. A nau espacial yera rodiada por un enorme ciclorama pintau que presentaba o paisache desertico d'Altair IV; iste conchunto ocupó tot l'espacio disponible en uno d' os escenarios de son de Culver City. A fotografía prencipal tenió puesto dende o 18 d' abril dica zaguers de mayo de 1955.

Mas tardi, muitos elementos de vestugario y utilería se reutilizoron en diversos episodios diferents d' a serie de televisión The Twilight Zone, a mayoría d' os cuals estioron filmaus por Cayuga Productions de Rod Serling en l'estudio MGM en Culver City, incluiu Robby lo Robot, os diversos modelos d'a nau C-57D, a maqueta a gran escala d' a base d'a nau (que amaneixe en os episodios "To Serve Man" y "On Thursday We Leave for Home"), as pistolas blaster y os rifles, os uniformes d' a tripulación y as tomas d' efectos especials.

Con un costo de bel $ 125,000, Robby lo Robot yera muit caro pa una cinta en iste inte; representó cuasi o 7 % d'o presupuesto de $ 1.9 millons d' a cinta y equivale a lo menos $ 1 millón en dolars de 2017[5]. Tanto o vehíclo de pasachers controlau electricament conduciu por Robby como o cambión / tractor-gruba descargau se construyoron especialment pa ista cinta. Robby tamién protagonizó a cinta de ciencia ficción The Invisible Boy (1957) y dimpués amaneixió en muitas series de televisión y cintas.

As secuencias animadas de Forbidden Planet, especialment l'ataque d'o monstro, estioron creyadas por o veterano animador Joshua Meador, qui estió prestau a MGM por Walt Disney Productions. Seguntes un largometrache de Behind the Scenes en o DVD d' a cinta, una mirada cercana a la creatura amuestra que tien una chicota barba de crabito, o que suchiere a suya connexión con o Dr. Morbius, o unico personache con ista caracteristica fisica. Inusualment, a escena en a que finalment se revela o monstro mientres o suyo ataque a la nau d' a Tierra no se creyó utilizando l' animación tradicional de cel. En cambeo, Meador simplament dibuixó cada fotograma d' a secuencia completa en lapicero negro sobre paper vitela treluziu de soporte d' animación; luego, cada pachina estió fotografiada en alto contraste, de modo que solenco os detalles prencipals remanioron visibles. Luego, istas imáchens s' invirtioron fotograficament en negativo y as imáchens de lineas blancas resultants se tintoron de royo, creyando l' efecto de que o cuerpo d'o monstro remaniba en gran parti invisible, con solament os suyos contornos prencipals iluminaus por l'enerchía d'o campo de fuerza y os rayos blaster.

Se veiga tamién[editar | modificar o codigo]

Referencias[editar | modificar o codigo]

  1. ↑ (en) Enguero de Forbidden Planet en Internet Movie Database.
  2. ↑ (de) Steven Jay Schneider:101 Science Fiction Filme: Die Sie sehen sollten, bevor das Leben vorbei ist, Edition Olms, 2012, ISBN 9783283011697, p.77
  3. ↑ (en) Wierzbicki, James (2005). Louis and Bebe Barron's Forbidden Planet: A Film Score Guide. Metuchen, New Jersey: Scarecrow Press. ISBN 978-0-8108-5670-7.
  4. ↑ (en) Tony Magistrale, Abject Terrors: Surveying the Modern and Postmodern Horror Film, 2005 p. 82
  5. ↑ (en) http://www.moviediva.com/MD_root/reviewpages/MDForbiddenPlanet.htm

Vinclos externos[editar | modificar o codigo]

Obteniu de "https://an.wikipedia.org/w/index.php?title=Forbidden_Planet&oldid=2124276"