Esliz
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un esliz[1] ye un movimiento de baixata rapedo d'unas masas de roca u suelo que se producen por tota una u bellas superficies definitas. Os eslices se dan en medios solidos on amaneixen superficies de despegue que mugan o material desplazato d'o material inmóvil u subchacent. A masa desplazata puet estar tierca mantener a suya estructura (eslices coderents u cohesivos) u deformar-se (eslices incoderents). En función d'a trachectoria y a forma plana u concava d'a superficie de movimiento distinguimos entre eslices traslacionals y eslices rotacionals.
L'augua tien muita importancia en os eslices porque por una part fan puyar a masa d'a superficie que se va a esvarizar y por atra disminuye o rozamiento interno d'o material que se va a mover fendo de lubrificant.
Eslices traslacionals[editar | modificar o codigo]
Os eslices traslacionals son eslices on a masa de roca u suelo s'esbariza por tota una superficie plana. Ye tipico de materials tiercos, aproveitando superficies de discontinuidat, como a estratificación en as calsineras y piedras d'arena u a escistosidat en as losetas.
Eslices rotacionals[editar | modificar o codigo]
Os eslices rotacionals son eslices on a masa de roca u suelo s'esbariza por tota una superficie concava. Ye tipica de materials archilosos y gosan estar eslices incoderents. En o cabo baixo d'o esliz, on a superficie ye plana, o material archilenco ha perdito a forma orichinal por a plasticidat de l'archila, y se forma una ripa, una convexidat en forma de luenga.
Formación d'eslices[editar | modificar o codigo]
Os grans eslices se desvienen en zonas montanyosas con grans pendients. En os Andes os tierratremols pueden producir eslices. A desferra mes grant conoixita producida por un esliz en Europa se produció en 1963 en o Norte d'Italia cuan o cabo baixo d'un esliz arribó en l'entibo de Vaiont fendo puyar o livel de l'augua a escape y producindo una inundación en a que morioron 2.600 personas y muitas localidaz fuoron arrasadas y evacuatas.
En as vueltas de l'Ebro se pueden formar eslices rotacionals cuan l'Ebro escarva a base d'un cinglo chesoso dica plegar a un inte d'inestabilidat que fa que s'esboldregue. En o Galacho de Chuslivol en tenemos un eixemplo fosilizato.
Referencias[editar | modificar o codigo]
- ↑ (es) Manuel Alvar: Atlas lingüístico y etnográfico de Aragón, Navarra y Rioja. Tomo X. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Mapa nº 1403 Desprendimiento en Hu 106, Hu 204 (Liz), Hu 206 y Hu 207 (Esliz).
Bibliografía[editar | modificar o codigo]
- Eumenio Ancochea Soto, Francisco Anguita Virella, Fernando Moreno Serrano. Geología. Procesos externos. Editorial Edelvives.
- Francisco Anguita Virella, Fernando Moreno Serrano. Procesos geológicos externos y geología ambiental. Editorial Rueda.