Rumelís

De Biquipedia
Ir ta: navego, busca
Rumelís
MustafaKemalAtaturk crop.jpgNazim Hikmet Bahriye.jpgMidhatpasha.jpg
Mustafa Kemal - Nazım Hikmet Ran - Midhat Pascha
Rechions con comunidatz importants
Flag of Turkey.svg Turquía
Flag of Greece.svg Grecia
Flag of Romania.svg Rumanía
Flag of Bulgaria.svg Bulgaria
Flag of Macedonia.svg Republica de Macedonia
Idiomas
Turco
Relichión
Islam
Mapa
mapa etnico de Tracia de l'anyo 1912 con os turcos rumelís en royo.
Mapa etnico de Tracia de l'anyo 1912 con os turcos rumelís en royo

Os rumelís son os turcos musulmans que habitan en os Balcans y que en a suya mayor parte emigroron t'Anatolia quan o Imperio Otomán y o gubierno d'os Chóvens Turcos perdeban o control d'a parte europea d'o suyo antigo territorio. A més d'os turcos rumelís que encara bi ha en a Turquía Europea, tamién bi n'ha en Tracia occidental (Grecia), en Rumanía, Bulgaria y Macedonia.

Historia[editar | editar código]

Os otomans fan acto de presencia en Europa en 1354, quan o fillo d'Osmán desembarca en Europa y prene Gallipoli y Tracia oriental. Murad I continó a obra d'o suyo padre en os Balcans con a ocupación de Bulgaria y Serbia, vencendo decisivament en a Batalla de Kosovo en 1389.

Parte d'os rumelís no descienden de turcos que emigroron enta os Balcans. Huei encara bi ha poblacions musulmanas que mantenioron lur luenga eslava u rumana, como ye o caso d'os pomacos u os meglenovlacos. En os tiempos d'o Imperio Otomán poblacions como ixas esdeveniban turcas quan deixaban de charrar lur luenga y preneban o turco.

En o sieglo XIX, quan países como Serbia, Grecia, Albania, Bulgaria u Rumanía obtenioron a independencia uns 4.500.000 turcos rumelís emigroron t'Anatolia. Yeran a mayor parte d'os turcos que i heba en ixos países y recibioron tierras en Anatolia. Os rumelís contribuyoron a la colonización agricola en zonas on bi heba un nomadismo tradicional. Mustafá Kemal Atatürk estió un turco rumelí naixito en Salonica.

Dimpués d'una guerra entre Turquía y Grecia, por o tractato de Lausana de 1923, 400.000 rumelís de Grecia fuoron forachitatos ta Turquía fueras d'os rumelís de Tracia Occidental a cambeyo d'a expulsión de 1.650.000 griegos de Turquía fueras d'os griegos d'Estambul.

Bibliografía[editar | editar código]

  • Amiram Gonen, DICCIONARIO DE LOS PUEBLOS DEL MUNDO. 1996 Anaya&Mario Muchnik.