Meglenovlacos

Meglenovlacos Vlashi
Mapa d'os Balcans con as poblacions vlacas y rumanas; os meglenovlacos bi apareixen en amariello.
Población total
12.000-20.000
Rechions con comunidatz importants
Prefecturas de Pella y Kilkis (Macedonia griega, Grecia) 12.000-20.000 Cerna (Judeţ de Tulcea, Rumanía) 1.200
Idiomas
Meglenorrumán
Relichión
Islamica
Pueblos relacionatos
Pueblos vlacos

Os meglenovlacos u meglenorrumans (en meglenorrumán: Vlashi; en griego Βλαχομογλενίτες, Vlachomoglenítes) son un grupo etnico que habita en a rechión de Meglen, en a Macedonia griega en localidatz arredol d'a ciudat de Nânta, como Cupa, Liumnita, Birislav, Lundzini, Griva y Tarnacea, a l'ueste d'o curso meyo d'o río Vardar. En 1914 yeran 130.000 individuos. Charran una luenga romanz d'a branca balcanica dita meglenorrumán diferent de l'arrumán d'atros vlacos d'o sud d'o Danubio. Tamién s'esferencian d'os vlacos d'o sud d'o Danubio en que no practican o pastoreyo transuant estando tradicionalment sedentarios. Son musulmans.

Historia

Bells autors creyen que han plegato ta Macedonia més tarde que atros pueblos vlacos de Macedonia, talment dende a ribera bulgara d'o Danubio. Bi ha una teoría que diz que os meglenovlacos son descendients d'os pazinacos que fuoron establitos en Meglena u Moglena dimpués d'una derrota debant d'os bizantins en tiempos d'Aleixo I Comneno, d'estar cierta esta hipotesi os pazinacos d'as estepas de l'aria danubiana estarían en proceso de rumanización y de perduga d'a luenga turquica u irían con ells muitos vlacos. A estos pazinacos los mencionan en o "Libro de los Emperadors":

Et encara en aquel tempo los pacinaquos corrian las partes de traqui et de Maçedonia et catiuaron muytas gentes (con)t(r)a los quales fue lenperador et [fue] desconfito malament, et aquella esconfita la auida por occasion de los de su huest los quales se auançaua(n) de fer muytas cosas, mas non de an feyto poco ni mas . encara lenperador torno en la batalla cont(r)a los pacinaquos et huuo uictoria la qual manifestament fue por uoluntat de dios ayudada, por q(ue) como se miso en bata(ta)lla los pacinaquos no gosauan conbatir nin leuar armas contra los griegos sino que lexaron las armas et se rendieron sin batalla, et no res menos muytos muertos et los mas presos uiuos de los quales lenperador a feyto litar los mas iouenes he mas ualientes et los a feyto h(ab)itar en un luguar que se clama M[o]glina et todos los otros fuero(n) ue(n)didos de aquestos q(ue) fueron presos.

En as guerras balcanicas beluns se refuchioron en Dobrucha (Rumanía). Por estar musulmans, bells meglenovlacos han emigrato a Turquía esdevenindo parte d'os muhachirs(Karadjaovalides), poblacions musulmanas no turcas refuchiatas que s'han turquizato por estar ixemenatas.