Disierto d'o Sahara

De Biquipedia

O disierto d'o Sahara, ye o disierto más gran d'o mundo (tien más de 9.065.000 km²), ye localizato en o norte d'Africa y tien más de 2,5 millons d'añadas. O suyo nombre deriba d'o arabe sahara صحراء traduzión d'a parabra tuareg de Tenere (disierto), e que en a Peninsula Iberica ha produzito toponimos d'a familia de Zafra ^[1].

Iste disierto truxa muga con cuasi toz os países d'o norte d'Africa, predominán de cultura arabe, enantes berber. As dunas prenzipian amán de l'Alto Atlas y s'estendillan dica zonas tropicals más á lo sur. En as costeras de l'Atlas Marroquí (Alto Atlas), nomás bi ha bechetazión unos metros más allá d'o curso d'os pobres ríos. Sin dembargo, ista tien una berdor intensa que concara con l'arena redolán. Agundan as palmeras de dátils. Toz os oasis son escanaus, ta guaranziar l'augua en todas as zonas de siembra. Muitas begadas, l'augua no prozede de ríos, prozede d'as auguas soterrañas que s'estrayen con pozos.

En Marruecos, s'ofrexen á lo biachero cuantas formas de conoxer o Sahara. Talmén a más común siga la d'alfonsar-se en o disierto con beíclos 4x4 trescruzando as dunas. Atra forma más toristica ye muntando dromedarios, y por suposau, a forma tradizional ye ir a piet.

Sobre o Sahara s'han filmau a saber-lo de binzas y reportaches, como Lawrence of Arabia.

[editar] Referenzias