Divisa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Divisas

A divisa (d'o latín divīsus, part. pas. de dividĕre, dividir) ye una unidat de cambeo que facilita a transferencia de biens y servicios. S'amuestra en forma de piezas metalicas, ditas monedas –por un regular redondas– u en forma de piezas de papel, ditas billez. También se presenta como «diners de plastico» (tarchetas de credito), como talons, cheques u pagarés, etc. O termin moneda u unidat monetaria fa referencia a la divisa propia d'o país, u d'o mercau monetario a o que perteneixe o país, ye decir, o metal u papel moneda emplegau pa obtener biens, productos u servicios adintro de l'ambito en que ha estau expediu por o suyo banco central.

Se le diz divisa, por contra, cuan se refiere a una moneda, u unidat de cuenta, forana u baixo sobiranía externa respecto a l'ambito con sobiranía propia por a on circula a moneda y que se fa servir mas que mas pa o intercambio de biens y servicios entre países.

Seguntes s'expresa o Banco de Espanya, y atras entidaz, no han d'entibocar-sen con ello dos conceptos:

• un cambeo de moneda ye a compravenda d'a moneda diferent a la propia pa usar-la en l'ambito cheografico a on se regula y emplega de forma parellana a la propia. Por eixemplo, en o país de destín, en caso d'un viache.
• un cambeo de divisa, d'atra man, no suposa un movimiento fisico d'os diners. Por eixemplo, una transferencia recibida en dolars s'ingresa en a cuenta personal en a moneda correspondient, seguntes o país que siga (euros, pesos, sols, etc).

Por un regular, cada país tien establida, a o menos, una moneda oficial sobre o suyo territorio presentada baixo diferents medios de pago tamién de curso legal. Por contra, distintos países pueden:

• fer servir a mesma moneda (como ye o caso de l'euro y os países miembros d'a Unión monetaria europea, u como Liechtenstein en unión monetaria con Suiza — con o franco suizo) ;
• adoptar una divisa forana como unidat monetaria legal: como ye o caso de Panamá y Ecuador (con o dólar americano), u d'a Ciudat d'o Vaticano, de San Marino, de Mónegue y d'Andorra, y, de facto, de Kosovo y de Montenegro (con l'euro).

Por motivos practicos, una divisa gosa tener subdivisions, legals u tradicionals : 1/1000 (os millimos d'o dinar tunecino), 1/100 (os eurocentimos de l'euro), 1/20, 1/10, 1/8, 1/4 (o cuarto de dólar nortamericano), etc.

Historia

O cambista y a suya muller, de Quentin Massys

Os diners como moneda han teniu o suyo protagonismo en o desenvolique d'as civilizacions basadas en o comercio dende fa cuantos milenios.

A tradición d'os cambistas va unida a la aparición d'os diners y d'a banca unidas a o comercio, como verdadero propiciador d'a profesión. Serán aspectos que iran chuntos mientres muitos sieglos. En especial, talment, será en a Europa medieval a on en a suya epoca d'explendor muitas ciudaz prencipien a cudir a suya propia moneda y asinas se prencipie a detectar una profesionalización d'iste treballo.

Será en o zaguer tercio d'o sieglo XIX, con l'aparición d'o patrón oro y d'a Unión Monetaria Latina, cuan se estableixcan oficialment as primera paridaz reguladas entre as divisas de cada país. O primero, en muitos casos, no sería de facto albandonau dica 1914.

En o período d'entreguerras ya no se pudo tornar a restaurar o sistema, entre muitas atras razons, por que muitas economías s'amuestraban fuertement desetabilizadas y porque a producción d'oro yera escasa. En a decada de 1920, poco antis d'a Gran Depresión de 1929, yeran treinta y cuatro países os que heban adoptau o nuevo Patrón Cambeos Oro . Con a crisi, mientres a decada de 1930, as condicions en Europa no amillorarían fendo que cuantos países albandonasen o Patrón Oro.

Caldría asperar a zaguerías d'a Segunda Guerra Mundial, a 1944, pa que se sinyasen os Alcuerdos de Bretton Woods d'os que surtirán o Fundo Monetario Internacional y o Banco Mundial con a finalidat de lograr a estabilidat d'os cambeos de divisas. Como consecuencia d'a Guerra de Vietnam, se crebarán os alcuerdos en 1971. Dimpués de 1976, y d'a desaparición d'o sistema de cambeo fixo, o FMI prene un papel prencipal debant de países en desenvolique y crisis financieras internacionals.

Divisas contemporáneas

Ta más detalles, veyer l'articlo ISO 4217veyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

As divisas fluctúan entre sí adintro d'o mercau monetario mundial. D'ista traza, se pueden estableixer distintos tipos de cambeo entre divisas que varían constantement en función de cuantas variables economicas como o creiximiento economico, a inflación, o consumo interno d'una nación, etc.

A relación d'o pre d'a moneda d'un país con respecto a atras, tamién dita cotización, pende d'os fluxos comercials y financiers entre os residents d'a zona d'ixa moneda con respecto a los d'as atras. As importacions de biens y servicios y a inversión en o estranchero determinan a demanda en divisas extracheras, mientres que as exportacions de biens, servicios y a inversión forana determinan a oferta d'a divisa estranchera en o puesto a on se trobe.

As divisas mas comunas que circulan en os mercaus internacionals son: o dólar estausunidense, l'euro, o yen, a libra esterlina, o dólar australiano, o franco suizo, o yuan chino y o dólar canadiense.

Se veiga tamién

• Historia d'os diners
• Simbolo monetario
• Cambista
• Cotización
• Mercau de divisas
• Tasa de cambeo
• Risgo de cambeo

Referencias

• Datos: Q8142
• Multimedia: Currencies / Q8142