Deus Fagus

Deus Fagus ye o dios d'o Fayo, u a divinización d'o numen de l'árbol. Iste árbol estió muito important pa la economía d'os montanyeses, porque da fusta (que s'aprofitaba muito en o periodo román) y porque o fruito ye comestible.

Se conoixe por inscripcions d'epoca romana que bi ha en altars conmemorativos de Bigorra y Comenche, en alfabeto latín.

A más gran parte d'as estelas dedicatas a este dios s'han trobato arredol d'os lugars de Générest y Tibirán (Altos Pireneus). Con as inscripcions bi ha fuellas y esvasticas gravatas.

O nombre d'o dios ye latinizato, pero ye posible que a forma en aquitán estase pareixita a o latín, que estase Bago, amprato d'o celta. O toponimo Bayona s'interpreta como "O gran fayo" y poderba representar un gran fayo sagrato.

Tamién s'ha quiesto interpretar o toponimo Fago d'a Val d'Ansó a partir d'esta divinidat.