Comenche

De Biquipedia
Ir ta: navego, busca
Anvista d'a val d'o Comenche y de Sent Bertran de Comenges.

O Comenche (Comenge en grafía medieval y en gascón; Comminges en francés) ye un territorio de l'Alta Gascunya, en o sudueste d'a Republica francesa. Ye un d'os territorios que mugan con l'Alto Aragón.

En l'actualidat, o Comenche ye troixiato puliticament y administrativament entre os departamentos de Gers, l'Alta Garona y Arièja. Historicament, puet parlar-se de dos Comenches:

  1. un Comenche gascón u Alto Comenche, més t'o sur, entre a Bigorra y o Coserán, que tien per lugar principal Sent Bertran de Comenges;
  2. un Comenche lenguadocián, dito Baixo Comenche u Comenche chicot, en o nordeste, entre o Comenche gascón, o Coserán, o condato de Foix y l'Alto Lenguadoc.

O Comenche ye formato per paises que tienen como eixe as altas vals d'a Garona y o suyo afluyent, o Pica. D'entre éls, o país de Luixón, que achunta o Comenche con a Vall de Benás per o pirinenco Portillón de Benás.

En a Novempopulania romana, provincia que ixe nombre teneba per os nueu pueblos que i viviban, o Comenche estió dito Convenae, y tenió como capital o puesto galorromán de Lugdunum Convenarum, amanato ta l'actual Sent Bertran de Comenges.

Conquiesto per os visigodos, o Comenche pasó de fer parte d'o ducato d'Aquitania a estar un condato medieval.

Den de 1498 ent'a Revolución francesa, encara que os descendients d'a filla d'o zaguer conte continoron dicindo-sen contes de Comenche, o condato ya no existiba y o Comenche feba ya parte d'a Corona francesa.

Se veiga tamién[editar | editar código]

Vinclos exteriors[editar | editar código]