Daniel Defoe
De Biquipedia
 |
|
|
||||||||||||
Daniel Defoe, d'o suyo autentico nombre Daniel Foe, naxito de Stoke Newington (á mán de Londres) o 10 d'otubre de 1660 y muerto en Ropemaker’s Alley, Moorfields (tamién á mán de Londres) o 21 d'abril de 1731, estió un abenturero, comerziant, achent politico, espía y escritor anglés, conoxito por as suyas obras Robinson Crusoé y Moll Flanders.
Contenius |
[editar] Orichens familiars
Daniel Defoe yera naxito en una familia d'orichen flamenco, fillo d'un comerziant protestant que se manteneba distant d'os puritans. O choben Daniel rezebió a suya educazión á mans d'o mosén Charles Morton, que teneba una escuela pribata en Newington Green, á man de Londres.
[editar] Primeras autibidaz politicas: a Reboluzión Gloriosa y Guillermo d'Orange
Por o suyo gusto por a Politica y a Literatura no fazeba garra cosa más que escribir. Miembro d'os [whig]] y d'os no conformistas (anti-anglicans), estió enemigo d'o rei Chaime II d'Anglaterra, á o cual combatió en bellos panfletos. Prenió parte en a clamata Reboluzión Gloriosa y estió protechito de Guillermo III, prenzipe d'Orange, o cual li conzedió bellas prebendas y sinecuras. Proponió á Robert Harley, conte d'Oxford y speaker d'a Cambra d'os Comuns a creyazión d'uns serbizios secretos u un esbozo de polizía politica ta mantener o control de l'opinión publica d'o país.
[editar] O reinato d'a reina Ana
Sin d'embargo, en o reinado menos liberal d'a reina Ana, fue engarcholato en 1704 acusato de criticar l'intoleranzia de l'Ilesia Anglicana. Dende a suya garchola, publicó una Rebista, que teneba muito ecsito.
Dimpués d'a suya liberazión en o mesmo 1704, Robert Harley li confió misions en tot o país con o nombte fictizio d'd’Alexander Goldsmith. En 1706 fazió una labor delicada: treballar ta l'unificazión d'Escozia y Anglaterra en un reino unico, o Reino Unito. Asinas, Defoe biachó ta Edimburgo ta bi preparar as negoziazions. Como yera presbiterián, como a mayor parte d'os escozeses, esdebenió á escape un amigo d'Escozia' y abió ecsito en a suya misión.
Estió tamién partezipe en atras misions d'espionache, como l'infiltrazión en as filas d'os chacobitas partidarios d'a restaurazión d'a Casa d'Estuardo. En 1717 estió Daniel Defoe quien adbirtió á o menistro Charles Townshend de l'iminenzia d'una sublebazión en a cuala yera implicata Suezia.
Sin d'embargo, os suyos panfletos li probocoron d'atros problemas, y Defoe se refuchió en a Literatura.
[editar] O suyo refuchio en a Literatura
A suya nobela más famosa, que bels autors afirman ye a primera nobela escrita en anglés, ye Robinson Crusoe, que esplica a bida d'un naufrago en una isla desierta. Ta escribir l'obra, Defoe s'isnpiró en a bita reyal d'o marinero escozés Alexandre Selkirk, albandonato en a isla desierta de l'isla de Más a Tierra (en l'archipielago de Juan Fernández, en l'Ozián Pazifico. Selkirk bi romanió en a isla dende 1704 dica 1709.
D'entre a quinzena d'obras que publicó, ye tamién famosa Moll Flanders, una nobela picaresca á on se charra d'a bida fictizia de Moll Flanders, una muller que bibe sola en l'Anglaterra d'o sieglo XVII, que bibe d'a prostituzión, ye bigama y que tien relazions inzestuosas, pero que ye simpatica á os güellos d'o lector.
A suya obra ye traduzita á muitas luengas.
[editar] Obras (selezión)
- 1697: An Essay upon Projects.
- 1703: The Shortest Way with the Dissenters.
- 1704: The Storm.
- 1719: Robinson Crusoe.
- 1720: Captain Singleton.
- 1720: Memoirs of a Cavalier.
- 1722: Colonel Jack.
- 1722: Moll Flanders.
- 1722: A Journal of the Plague Year.
- 1724: Roxana, the Fortunate Mistress.
- 1724-1727: A Tour through the Whole Island of Great Britain|A Tour thro' the Whole Island of Great Britain.
- 1726: The Complete English Tradesman.
- 1726: A System of Magick.
- 1727: A General History of Discoveries and Improvements.
[editar] Enrastres esternos
- (en) As nobelas de Daniel Defoe.
- (en) Daniel Defoe en The Literature Network.
