Crocodylia

Crocodylia
Gavialis gangeticus.
Clasificación scientifica
Dominio: Eukaryota Reino: Animalia Filo: Chordata Clase: Reptilia Orden: Crocodylia

Os Crocodylia (bellas vegadas tamién escrito Crocodilia), ditos vulgarment crocodilos, son un orden de grans reptils sauropsidos arcosaurios. O grupo ye dito scientificamet Crocodylia en consistencia con o chenero Crocodylus Joseph Nicolai Laurenti, 1768. Abarca os crocodilos (familia Crocodylidae), aligators y caimans (familia Alligatoridae), os gavials (familia Gavialidae) y un gran numero de taxons fosils (beluns terrestres). Son os reptils actuals mas grans. Son emparentatos con as aus, de feito os Crocodylia se troban mas intimament relacionatos con as aus que no con os atros reptils actuals.

Denominacions

En los textos aragoneses meyevals se troba diferents adaptacions d'a parola latina orichinal presa a traviés d'o francés u atros idiomas.

En "La Flor de las Ystorias d'Orient" dicen cocatrix, (d'o latín calcatrix, a "mangosta" que os echipcios adoraban por minchar-se os uegos d'os crocodilians y que remató confundita con estos):

et habundantes de todos bienes enel Rio de nill ha buen pex et mucho et lieua grant nauilio car el es grant et en todas cosas el Rio de nill puede seyer loado sobre todos los otros sino q(ue) (que) tiene vna manera de bestias qui son como dragones et com(en) ombres et cauallos dentro dela agua et en la Ribera quando los conssiguen et aquellas bestias ha(n) nombre cocatrix

En o "Libro d'el Trasoro" en parlan baixo o epigrafe del corcorel q(ue) ha q(u)atro piedes:

Corcorel es vn a(n)i(m)al de .iiijo. piedes e de amarilla color q(ue) naxe en(e)l flum de njlle y(e)s a sab(e)r el flum q(u)i arosa la tierra de egipto segu(n) lo q(ue) el conto ha dep(ar)tido aca açagua alla do el faula de aq(ue)lla tierra . el es gra(n)t mas de .xx. piedes e es armado de grandes dient(e)s e de muy gra(n)des vnglas et su cuero y(e)s asi duro q(ue) el no siente colp nj(n)gu(n)o de piedra de dia esta en t(ier)ra e de nueyt(e) se torna al flum e sus gueuos no fa en t(ier)ra no ental loga(r) q(ue) el flum noy pueda a consegujr e sab(e)t q(ue) el no ha pont de lengua e si es a(n)i(m)al al mu(n)do sin mas e muere la maxiella de jus y(e)s a sab(e)r las bariellas susanas e aq(ue)llas de juso sta(n) firm(e)s e si vince el om(n)e el lo come plora(n)do

En o "Libro d'as Marabillas d'o Mundo" ye cocodrillo u cocodriello:

En aq(ue)lla ysla ay mucha t(ier)ra gasta do ay tantas de s(er)pientes & de dragones & de cocodrillos q(ue) no y osan fincar / Aq(ue)llos cocodriellos son s(er)pientes jaunes Rayados / Et han .iiij. piedes & cortas gambas & grandes vnglas / el en y a de .v. brac[']as de lue(n)go de .vj. & de .x. et q(u)ando eillos van por logar arenoso sembla q(ue) han Rastrado vn grant arbol por medio larena

Distribución d'a familia Crocodylidae.

Vinclos externos

• Se veigan as imáchens de Commons sobre Crocodylia.
• Biquiespecies tiene un articlo sobre Crocodylia.