Coccinellidae

De Biquipedia

Cuquetas de Dioz

Cuqueta de Dioz (Coccinella septempunctata)

Dominio:	Eukaryota
Reino:	Animalia
Filo:	Arthropoda
Clase:	Insecta
Orden:	Coleoptera
Suborden:	Polyphaga
Superfamilia:	Cucujoidea
Familia:	Coccinellidae

Sozfamilias

Os coczinelidos (en nomenclatura zentifica e en latín, Coccinellidae) son una familia d'insectos á dintro d'a orden d'os coleopteros (son escarabaixos). En aragonés, sole clamar-sen cuquetas de Dios/oz, cuquetas de Santa Catalina u simplamente Catalinas. O nombre «mariquita» que tamién se gosa sentir ye demanato con toda probabilidat d'o castellán, como tamién «marieta» en ye d'o catalán.

A destribuzión d'as cuquetas de Dioz ye global, podendo-se-ne trobar espezies per tot o planeta treito d'os polos, e tot abendo-se-ne descritas bellas 4500. Totas a cuquetas de Dioz gosan estar chiquetas, d'entre 1 e 10 mm de lonchitut, con colors bien bitariscas (de regular, con malletas negras sobre os elitros royos u naranchas) e nomás un par d'alas ta bolar, que son cubillatas debaixo d'os elitros. A capeza e lo torax gosan estar negros, e las patetas, curtas e con colors dibersas, siempre son foscas.

A suya alimentazión, tan en os adultos como en as larbas, ye cuasi totalmente alazetata en o polecón, que ne consumen as cucas en gran cantidat. En muitas culturas, per mor d'a suya alimentazión se's considera animalons benefiziosos ta l'agricultura e dica, en cualques puestos, siñal de buena suerte.

[editar] Cualques imachens

Una pupa («cocullón») penchata en una planta.	Coccinella septempuctata, a espezie más comuna en Europa.	Dos adultos agallando-se	Eclosión de l'adulto ta fora d'o cocullón
Embiesta frontal de l'adulto.	Larba minchando cucas de polecón.	Hippodamia notata	Harmonia axyridis, obrido os elitros e as alas ta embolar-se