Chiberelina

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
GA452D, una chiberelina prou común.

As chiberelinas son hormonas vechetals producidas en os meristemos apicals d'a radiz, fuellas chóvens, chitos y embrions vechechals y que regulan o creiximiento y que influyen en bels procesos de desembolique. Todas as chiberelinas conoixidas son acidos diterpenoides.

Tienen funcions variadas como aturar o periodo de latencia y inducir a cherminación, activar o cambium vascular, estimular a floración en plantas bianyals y en bels casos fa tardar a maturación d'o fruito y l'aviellamiento d'as fuellas. Presenta una acción oposada a l'acido abscisico.

Aplicacions[editar | modificar o codigo]

O intrés por as chiberelinas fuera de Chapón encomenzó dimpués d'a Segunda Guerra Mundial por as suyas posibles aplicacions.

As investigacions en a Universidat de California en a decada de 1960 condicioron a l'uso comercial en 1962 d'ugas sin simient ("ugas de mesa sin simient de Thompson").[1] Atras fruitas que se consiguen sin simient adintro son as naranchas y clementinas. O procedimiento pa conseguir-lo ye aplicar chiberelinas a ciertas flors no fecundadas a baixas temperaturas y producir un augmento d'a mida d'os ovarios y o desembolique d'un fruito partenocarpico.

En a vinya tamién favoreixen o creiximiento d'os carrazos por disminuir-ne o no numero, producindo-se ugas de mida mes gran.

As chiberelinas se fan servir muito en l'agricultura moderna por favoreixer o creiximiento vechetal. En as cols y repollos, que son plantas bianyals se fan servir pa producir un alargamiento. Si s'esporga quimicament un árbol fruital con etileno se puet conseguir aplicando chiberelinas que os fruitos restants se desemboliquen millor.

Referencias[editar | modificar o codigo]

Bibliografía[editar | modificar o codigo]