Candelera
De Biquipedia
Fiesta cada año lo 2 de febrero, 40 diyas dimpués de Natal, la Candelera bien de lo latín FESTA CANDELARUM.
[editar] Istoria
En l'antiga Roma se feba una fiesta arredol de lo 15 de febrero dedicata a LUPERCUS, dios de la fecundidat e de los rabaños.
Entre los zeltas i eba una fiesta clamata Imbolc lo 1 de febrero en onor de la diosa Brichida, e zelebraba la purificazión e la fertilidat salindo de l'ibierno. La chent de lo campo lebaban teders e dondeyaban en prozesión pregando-li a la diosa que purificase la tierra enantes de sembrar.
En lo sieglo V lo papa Chelasio asozió este rito pagán de la "fiesta de las Candelas" con la presentazión de Chesus en lo Templo e la purificazión de la Birchen. D'esta traza la fiesta pagana perdió sennificato, cristianizando-se e la fiesta cristiana prenió forma, popularidat e contenito sozial. Seguntes lo Lebita, un nino ha de ser presentato a lo siñor por la suya madre cuaranta diyas dimpués de la naxetura, con una ofrenda de dos palomas. Lo rito obserbato por la familia santa lo describen en lo ebanchelio de Lucas.
Dentro de las ilesias se cambeyoron los teders por candelas benditas que fan que simbolicament lo mal se mantienga luent e fan recordar que Chesus ye la luz de lo mundo. Como la Hanukkah chodiga, que tamién ye una "fiesta de las luzes", la fiesta dura güeito diyas. Los cristians asinas relazionaban las belas con la protezion de lurs casas.
Ye n'este tiempo de l'añata cuan se fa la siembra d'ibierno. La farina que sobraba se feba serbir pa fer crêpes u filloas, (talment tiengan relazion con esto los crespillos en lo Semontano de Balbastro, que se minchan lo 25 de marzo cuan la birchen crespillera). Estos dulzes son simbolo de prosperidat pa l'añata que ya eba encomenzato.
Pero dica 1372 esta fiesta no se consideró asoziata a la purificazión de la Birchen en lo ofizial.
[editar] La Candelera en l'Alto Aragón
- Las fiestas mayors en Salas Altas son entre lo 2 e lo 5 d'agosto en onor a la Birchen de la Candelera.
- Lo 2 de febrero ye la feria de la Candelera en Balbastro.
- En Muro de Bellós la candelera u 2 de febrero ye la fiesta menor de l'añata.
- En lo bico de las Cambras de Banastón tamién se zelebra la Candelera.
- La Candelera de Chistén ye descrita por Brian Mott en relazión a lo baile e lo suyo lesico:
