Budú
De Biquipedia
O budú ye una relichión orichinata en Africa ozidental e tresportata ta America por o comerzio d'esclaus. Ye una bariant teista d'un sistema animista de creyenzias, en o cualo tien una gran importanzia la machia. Ye ligata á la naturaleza e os suyos fenomens, á las dibinidaz e os espritos con os cualos se puede contautar. Por a suya binculazión dreita con a cosmolochía e os sistemas de creyenzias neoliticas, o suyo estudio resulta de gran intrés en o campo d'a antropolochía d'as relichions u a historia d'as relichions.
O trafico d'esclaus enta America produzió un fuerte fenomén de sincretismo entre ista relichión e as creyenzias cristianas d'os esclabistas, asinas como con as relichions natibas d'o puestos á on sen lebaban os esclaus. Asinas sutió lo budú d'Aití e un gran numero de deribatos. Bels d'istos deribatos han plegato ta Europa en decadas rezients, sobretot por meyo de prozesos migratorios.
