Vudú

De Biquipedia
Ir ta: navego, busca
Emblema con simbolos de budú de l'artista George Valris

O budú ye una relichión orichinata en Africa occidental y transportata ta America por o comercio d'esclaus. Ye una variant teista d'un sistema animista de creyencias, en o qualo tien una gran importancia la machia. Ye ligata a la naturaleza y os suyos fenomens, a las divinidatz y os espritos con os qualos se puede contactar. Por a suya vinculación dreita con a cosmolochía y os sistemas de creyencias neoliticas, o suyo estudio resulta de gran intrés en o campo d'a antropolochía d'as relichions u a historia d'as relichions.

O trafico d'esclaus enta America produció un fuerte fenomén de sincretismo entre ista relichión y as creyencias cristianas d'os esclavistas, asinas como con as relichions nativas d'o puestos a on se levaban os esclaus. Asinas surtió lo budú d'Haití y un gran numero de derivatos. Beluns d'istos derivatos han plegato ta Europa en decadas recients, sobretot por meyo de procesos migratorios.