Binagre

De Biquipedia

O binagre ye un lequido miscible en augua, con gusto agro debito á lo suyo contenito d'azeto azetico. Cuan prozede d'a fermentazión d'o bín tien una color royisca, pero tamién n'esisten d'a fermentazión d'atros produtos con atras colors.

S'emplega chunto á l'azeite ta apañar berduras y bechetals. Antimás d'o uso gastronomico, tamién s'emplega ta limpiar beires y esfurriar os mosquitos.

[editar] Etimolochía

Bien d'o latín VINUM ACRE, que ha dato en luengas galorromanzes vinaigre, u en catalán vinagre. En aragonés orichinal se diz azeto, pero ya en 1160 bi ha referenzias á vin agre en testos latins que s'escriben en Aragón:

et II solidos de diners et VIII diners in carne, et III diners allia, cepas et vin agre

— '

Seguntes Sesma y Líbano y Gual, o presunto catalanismo vinagre sustituyó la parabra castiza azeto en la Bal de l'Ebro, on i eba muita tradizión de fer binagre.