Beatriz d'Aragón
De Biquipedia
|
||
| Informazión | ||
|---|---|---|
| Reina en | Ongría | |
| dende | 1475 | |
| dica | 1501 | |
| Prezedito por | ||
| Suzedito por | ||
| Naximiento | 1457 | |
| Muerte | 1508 | |
Beatriz d'Aragón, naxita de Nápols (güé Campania, Italia) o 14 de setiembre de 1457 y muerta en Nápols o 23 de setiembre de 1508, estió reina d'Ongría por o suyo matrimonio con Matías Corvín, o rei d'ixe país como Matías I d'Ongría.
[editar] Matrimonio con Matías Corvín
Beatriz yera filla de Ferrando I, rei de Nápols, y d'a suya muller Isabel de Chiaromonte, y casó con Matías Corvín en 1475. Estió a introdutora en Ongría d'o Renaximiento, por o suyo mezenache á artistas y escritors italians ta que s'establisen en o país.
Sin d'embargo, Beatriz no tenió fillos d'o suyo matrimonio con o rei Matías, y iste nombró o suyo ereu á o suyo fillo ilechitimo Chuan. Dimpués d'a muerte imprebista en Biena de Matías o 6 d'abril de 1490, Beatriz estorbó ta que Chuan Corvín no suzediese á lo suyo pai.
[editar] Matrimonio con Ladislau II de Bohemia
Asinas, o 4 d'otubre de 1490, Beatriz d'Aragón casó con Ladislau II, rei de Bohemia en Esztergom debant o bispe Tamás Bakócz, encara que o matrimonio yera secreto.
[editar] O esilio
Dimpués, cuando Ladislau eba consolidato a corona de Ongría, utilizó una escusa tecnica ta solizitar y obtener l'anulazión d'o matrimonio, cosa que conzedió o Papa Alexandro III en1500. Ladislau II casó con Ana de Foix y obligó en 1501 á Beatriz á retornar á o reino de Nápols, y Beatriz morió o 23 de setiembre de 1508 en a capital d'o reino, a ziudat de Nápols.
