Aurelián

De Biquipedia
Ir ta: navego, busca
Aurelián
Emperador d'o Imperio Román
Santa Giulia 4.jpg

270 - 275
Predecesor Quintil·lo
Succesor Marco Claudio Tacito

Nombre real Lucius Domitius Aurelianus
Naixencia 9 de setiembre de 214 u 215
SPQRomani.svg Sirmium (hue Sremska Mitrovica, en Serbia)
Muerte septiembre u octubre de 275
SPQRomani.svg Caenophrurium (Tracia)
Conchuche/s Ulpia Severina

Aurelián (en latín Lucius Domitius Aurelianus), estió un emperador d'o Imperio Román, dende l'anyo 270 dica setiembre u octubre de l'anyo 275. Ye naixito o 9 de setiembre de l'anyo 214 u 215 y morió en Caenophrurium (Tracia) en septiembre u octubre de l'anyo 275.

Mientres o suyo mandato habió de luitar contra diferents pueblos barbaros (vandalos, alamans y godos principalment), y contra a secesión de territorios d'o imperio (o Imperio de Palmira de Zenobia y o Imperio Galo de Tetrico). Encara que bells territorios perifericos se perdioron pa cutio (Dacia), consiguió aturar a entrata d'os barbaros y reunificar o imperio.

Dió un empentón a lo culto a Sol invictus como principal dios en o panteón román, o que representaba una reforma relichiosa d'o politeísmo román; estatuyó que se celebrás o día de Sol invictus o 25 d'aviento.

Campanya contra os alamans[editar | editar código]

En l'anyo 271 os alamans invadioron Italia entrando en a Plana Padana y saqueyando ciudatz, plegoron a trescruzar o Po y ocupar Placentia. Alavez Aurelián yera en Panonia luitando contra os vandalos y habió d'entrar a escape en Italia. Os alamans lo derrotoron en chinero de l'anyo 271 en a Batalla de Placentia y bi habió pavor en Roma por a posible plegata d'os barbaros. Manimenos Aurelián consiguió vencer-los en a Batalla de Fano y d'una traza decisiva en a Batalla de Pavía. Dimpués construyó una nueva muralla en Roma, os Muros d'Aurelián.

Campanya contra os godos y evacuación de Dacia[editar | editar código]

Os godos presionaban a los romans en a Dacia romana y en o mesmo Danubio. O emperador Aurelián derrotó a los godos en l'anyo 271, mató a lo suyo lider Cannabaudes, y a l'egual que Claudio II prenió o títol de gloria Gothicus Maximus por as exitosas campanyas contra ixe pueblo.

Manimenos prenió a decisión d'abandonar a provincia de Dacia por estar muito dificil y cara d'esfender. A evacuación se fació entre os anyos 271 y 272. Os godos podioron ocupar ya tota Dacia. Encara ye polemico si a mayoría d'os dacorromans fuoron evacuatos u a mayoría se i quedoron.

Con a chent que evacuó Aurelián organizó una nueva provincia con nombre "Dacia" adintro d'o territorio de l'antiga Moesia, a Dacia Aureliana con capital en Serdica, (dimpués d'una reorganización este territorio se dició Dacia ripensis).

Mencions en fuents aragonesas[editar | editar código]

Ye mencionato en a traducción aragonesa de "Historia Romana" acomandata por Chuan Ferrández d'Heredia on lo comparan con Valentinián II:

...Fué(l) semblant en costumbres a Aurelián, fué agro en aquellas cosas que dictas he et fué proisme Adrián. Pintava(m) mucho bellament, excogitava novellas armas, fenyía ab cera o ab lim ymagens o ýdoles, prudelment usava en lugar et en tiempo de fablar. Et por aquesto que breument conclua, si el freiturás de malos hombres et ssuzios a los quales se era dado así como a molt(n) feels et prudentes, sins dubta el fuera estado perfecto príncipe.

En "Historias contra los paganos" mencionan a retirada romana de Dacia:

Et toda grecia et Macedonya et ponto et asia por la copiosa multitut delos godos fuero(n) destruydas Car dacia dalla del danubio pora todo tiempo se p(er)dio

Vinclos externos[editar | editar código]


Predecesor:
Quinti·lo
Emperador de Roma
270-275
Succesor:
Marco Claudio Tacito