Hadrián (emperador)

Iste articlo ye sobre o emperador román. Ta atros usos se veiga Hadrián (desambigación)

Hadrián
Emperador d'o Imperio Román
Emperador d'o Imperio Román
117 - 138
Predecesor	Trachán
Succesor	Antonín Piu
Nombre real	Publius Aelius Hadrianus
Naixencia	24 de chinero de 76
Muerte	10 de chulio de 138
Conchuche/s	Vibia Sabina
Dinastía	Dinastía Antonina
Pai	Publio Elio Adriano Afer
Mai	Domicia Paulina

Hadrián (en latín Caesar Publius Aelius Traianus Hadrianus Augustus), naixito d'Italica (Imperio Román) o 24 de chinero de 76 y muerto en Bayas o 10 de chulio de 138, estió un emperador d'o Imperio Román, dende o 117 dica o 138.

Enantes d'estar emprador participó en as Guerras Dacias. Como emperador Hadrián esclafó a Revuelta de Bar Kokhba en Chudea, pero tenió una politica exterior poco militarista con a intención de defensar unas mugas estables (por eixemplo debantó o Muro d'Hadrián en Britania), y evacuó Mesopotamia, o que permitió a paz con o Imperio Parto.

Mencions en fuents aragonesas y navarras

En o "Libro d'as Marabillas d'o Mundo" en fan mención:

et depues Adrian l'emperador qui hera d'aqueillos de troya la grant Refezo la Cibdat de jherusalem e el templo en aqueilla mesma guisa que solomon l'auia fecho

Ye mencionato en a traducción aragonesa de "Historia Romana" acomandata por Chuan Ferrández d'Heredia on lo comparan con Valentinián II:

...Fué(l) semblant en costumbres a Aurelián, fué agro en aquellas cosas que dictas he et fué proisme Adrián. Pintava(m) mucho bellament, excogitava no-vellas armas, fenyía ab cera o ab lim ymagens o ýdoles, prudelment usava en lugar et en tiempo de fablar. Et por aquesto que breument conclua, si el freiturás de malos hombres et ssuzios a los quales se era dado así como a molt(n) feels et prudentes, sins dubta el fuera estado perfecto príncipe.

Predecesor: Trachán

Emperador de Roma 117-138

Succesor: Antonín Piu