Zulu (cinta de 1964)

Iste articlo ye sobre una cinta de cine britanico de cine belico de l'anyo 1964, ta atros usos, se veiga Zulu y Zulu (cinta).

Zulu
Títol	Zulu
Póster d'a cinta.
Ficha tecnica
Dirección	Cy Endfield
Aduyant de dirección	Bert Batt
Dirección artistica	Ernest Archer
Producción	Stanley Baker Cy Endfield
Guión adaptau	John Prebble Cy Endfield
Basau en	una historia de John Prebble
Musica	John Barry
Fotografía	Stephen Dade
Montache	John Jympson
Vestuario	Hilda Geerdts
Maquillache	Charles E. Parker Judy Cadman Bob Lawrance Richard Mills Michael Morris
Actors	Stanley Baker Michael Caine Jack Hawkins Ulla Jacobsson Chefe Mangosuthu Buthelezi James Booth Nigel Green Paul Daneman Joe Powell Ivor Emmanuel Glynn Edwards Neil McCarthy David Kernan Gary Bond Peter Gill Richard Davies Denys Graham Patrick Magee Dickie Owen Gert van den Bergh Dennis Folbigge Larry Taylor Kerry Jordan Harvey Hall
Color	Technicolor
Narrador	Richard Burton
Datos y cifras
País(es)	Reino Uniu
Anyo	1964
Debantadera	22 de chinero de 1964 Londres (Reino Uniu)
Chenero(s)	Cine belico Cine epico
Durada	139 min.
Idioma(s)	Anglés Zulú
Companyías
Productora(s)	Diamond Films
Distribución	Paramount Pictures
Estudio(s)	Twickenham Film Studios
Presupuesto	1,72 millons de dólars
Recauto	8 millons de dólars
Informacions en bases de datos especializadas:

Zulu (títol orichinal en anglés, en aragonés Zulu, enguerada en Aragón con iste zaguer títol) ye una cinta de cine britanico de cine belico enguerada l'anyo 1964, dirichida por Cy Endfield seguntes un guión adaptau por él mesmo y por John Prebble (basau en una historia d'iste zaguero), con una banda sonora orichinal de John Barry, una dirección de fotografía de Stephen Dade, una producción cinematografica de Stanley Baker y Cy Endfield ta la productora cinematografica Diamond Films, y que conta con un elenco d'actors formau, en os suyos papels principals, por Stanley Baker, Michael Caine, Jack Hawkins, Ulla Jacobsson, o chefe Mangosuthu Buthelezi (qui interpreta a Cetshwayo, qui ye lo suyo bisavuelo materno), James Booth, Nigel Green, Paul Daneman, Joe Powell, Ivor Emmanuel, Glynn Edwards, Neil McCarthy, David Kernan, Gary Bond, Peter Gill, Richard Davies, Denys Graham, Patrick Magee, Dickie Owen, Gert van den Bergh, Dennis Folbigge, Larry Taylor, Kerry Jordan y Harvey Hall.

Mientres a Guerra Anglo-zulú, dimpués de redotar a l'exercito britanico en a batalla d'Isandlwana (feitos narraus en a cinta Zulu Dawn, 1979, Douglas Hickox), los soldaus zulús marchan enta Rorke's Drift, una misión d'o mosén Otto Witt, que i vive con su filla Margareta, trobando-se amás en ixe lugar una companyía d'o 24^eno Rechimiento d'Infantería (South Wales Borderers) mandaus por o tenient Gonville Bromhead y un chicot grupo de nativos africans d'o Natal Native Contingent destinaus a la construcción d'un puent, baixo lo mando d'o tenient d'os Royal Engineers John Chard. Cuan plegan órdens de defender a misión, o tenient Chard prene lo mando en estar un oficial mas antigo que Bromhead y prepara la misión ta resistir l'ataque d'os zulús, en a batalla de Rorke's Drift. Encara que mosén Witt planteyó problemas que provocoron a desmoralización d'os britanicos y la fuyida d'o continchent nativo, Chard preparó con eficacia lo lugar. En a cinta s'amuestran os feitos escaicius con prou exactitut.

A cinta s'ambienta en l'antiga Colonia de Natal (hue la provincia de KwaZulu-Natal en Sudafrica) os días 22 y 23 de chinero de 1879 mientres a Guerra Anglo-zulú, y las suyas escenas se filmoron en cuantas localizacions en KwaZulu-Natal en Sudafrica, amás d'os Twickenham Film Studios en o barrio de Twickenham en Londres.

Zulu recibió una nominación a los Premios BAFTA (a lo Millor Disenyo de Producción) en a suya 18^ena edición.

Elenco

Actor	Papel	Notas
[[]]	'

Se veiga tamién

• Cine en 1964.
• Cintas de 1964.

Referencias

• Datos: Q228867
• Multimedia: Zulu (1964 movie) / Q228867