Yā

Ya

A letra Yā (ي) ye a vintiueitena letra de l'alfabeto arabe, y de feito a versión arabe d'a letra Yod d'atros alfabetos semiticos.

Como consonant representa un fonema semivocal como a i de "fierro", como vocal representa una i luenga. Tien a variant ى , que se diz alif maqsura y se fa servir como terminación.

Ortografía

En a literatura alchamiata quan a i iba seguita d'atra vocal fendo hiato u diftongo s'escribiba a segunda vocal dencima d'una Yā que no se prenunciaba.

Parabras que s'escriben con Yā en arabe son Yusuf ("Chusé"), Yahya ("Chuan"), y Yacob ("Chaime" u "Chacó").

Trasliteracions

En aragonés se traslitera como y. Menéndez Pidal en o suyo estudeyo d'o Poema de Yusuf traslitera a Yā muta que desepara vocals como una y chicota en forma de superéndiz.

Ye curioso que o presonache biblico que en arabe se diz Yacub (con Yā) s'escriba Chaco en o Poema de Yusuf. Probablement hésenos d'interpretar Chacó egual que en Calatayú que deriba de Qalat Ayyub. Escribir Chacó con chim ye d'alcuerdo con a fonetica aragonesa que trobamos en l'aragonés "Chaime" derivato de lo latín JACOBUS.

Toponimos aragoneses d'orichen arabe con Yā

• Calatayú, de l'arabe قلعة أيوب