Wikipedia en basco

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Euskarazko Wikipedia Wikipedia en basco

Portalada d'a Wikipedia en basco, 2016.
Información cheneral
URL	eu.wikipedia.org
Eslogan	Entziklopedia Askea (A enciclopedia libre)
Comercial	No
Tipo de pachina	Enciclopedia
Rechistro	Opcional
Idioma	basco
Propietario	Wikimedia
Debantadera	1 d'aviento de 2001
Estato actual	Activo 250.000 articlos 23 de chunio de 2016

A Wikipedia en basco u a Wikipedia en euskera (en basco Euskarazko Wikipedia u Euskal Wikipedia) ye a edición en idioma basco d'a Wikipedia. O 23 de chunio de 2016 a Wikipedia en basco blincó d'os 250.000 articlos.

Historia

S'encetó o 7 de noviembre de 2003, encara que o primer articlo ya s'heba escrito a calendata d'o 6 d'aviento de 2001.^[1] O 15 de marzo de 2007 s'heba blincato d'os 17.000 articlos, metendo-se-ne en o puesto 42 por cantidat d'articlos .

O 25 de chinero de 2008 recibió o premio Sareko Argia, concedito por a revista Argia, premiando a suya faina en a espardidura d'o basco en Internet y o rete virtual. O 6 d'abril de 2008, Wikipedia en basco blincaba d'os 25.000 articlos; o 19 de febrero d'o 2009, plegó en os 35.000 articlos, o 15 de chulio de 2009 en os 40.000, o 13 d'octubre de 2009 en os 45.000. En zaguerías o 30 d'aviento de 2009 blincaba d'os 50.000 articlos. O 8 de noviembre de 2010, Wikipedia en basco blincaba d'os 60.000 articlos.

2010: Reportache d'a Wikipedia en basco en ETB3

O 9 de chunio de 2010 a cadena de televisión ETB3 emitió iste reportache sobre a Wikipedia Basca.

Iniciativa d'o 2011: os 100.000 articlos

En marzo de 2011 se proposó, debatió, votó y aprebó entre toz os usuarios escomencipiar una iniciativa a meyo termin con un doble obchectivo: fer toz os articlos de totas as localidaz de Francia (as d'Espanya ya yeran feitas), y plegar asinas enta os 100.000 articlos. S'aspera que se plegue enta ista cifra alto u baixo o verano de 2011.

O 18 d'abril de 2011 a Wikipedia en basco blincó d'os 70.000 articlos. O mesmo día a Wikipedia en basco supero en cantidat d'articlos a la Wikipedia en galego (70.762 articlos), convertindo-se asinas en a cuatrena Wikipedia d'a peninsula iberica dezaga d'a Wikipedia en castellano, a Wikipedia en portugués y a Wikipedia en catalán. A Wikipedia en basco se troba en o tercer puesto en Wikipedias d'idiomas de Francia dezaga d'a Wikipedia en francés y d'a Wikipedia en catalán, y per debant d'a Wikipedia en bretón, d'a Wikipedia en occitán u d'a Wikipedia en corso.

O 20 d'abril de 2011 a Wikipedia en basco blincó d'os 74.000 articlos y os 2.000.000 d'edicions, metendo-se-ne en o puesto 40^eno por cantidat d'articlos. O 21 d'abril de 2011 a Wikipedia en basco blincó d'os 75.000 articlos. O 22 d'abril de 2011 a Wikipedia en basco blincó d'os 80.000 articlos. L'1 de mayo de 2011 a Wikipedia en basco blincó d'os 90.000 articlos. O 4 de mayo de 2011 a Wikipedia en basco blincó d'os 95.000 articlos, metendo-se-ne en o puesto 38^eno por cantidat d'articlos.

En zagueras, y antis d'o que s'heba previsto por a iniciativa, o día 22 de mayo de 2011 a Wikipedia en basco blincó d'os 100.000 articlos. O historico articlo 100.000 estió Euskararen debekua ("A prohibicion d'o basco") articlo que trata d'a prohibición d'a luenga basca mientres a historia d'Euskal Herria, estando-ne multitudinaria a suya redacción. Antis d'iste escaicimiento, s'heba debatiu entre toz os usuarios d'a Wikipedia en basco ta esleir o tema de l'articlo 100.000, d'estar posible un tema emblematico relacionato con a luenga u con a cultura euskaldun. Dimpués d'esleir o tema se creyó, redactó y desembolicó iste articlo con a colaboración de toz os usuarios activos d'a Wikipedia en basco.

O 19 de setiembre de 2014 a Wikipedia en basco blincó d'os 200.000 articlos.

Desembolique d'a Wikipedia

Wikieguraldia

En octubre de 2008 s'anyadió una nueva sección a la de que ya existiba de Albisteak ("Noticias"), ista fue clamata Wikieguraldia ("o Wikiorache"). En base a dicha proposición, a traviés de coordenatas s'establioron diferents puntos por tota la cheografía d'Euskal Herria por meyo d'os cuals os usuarios asignaban a cadagún as previsions metereolochicas, y as temperaturas maximas y minimas.

En a primera metat de l'anyo 2009, y en no estar debidament actualizata, a iniciativa fue albandonata, encara que ye posible que en un futuro torne a fer-se.

Txoko berria ("O nuevo Txoko")

En zaguerías de chulio de 2009 debito a una nueva propuesta se reestructuró a sección Txokoa ("o Rincón") (parellana a las seccions "a Tabierna" u "Village pump" d'atras Wikipedias) y se anyadioron nuevas seccions. En a votación feita ta aprebar istos cambios, o resultato estió de cuatre votos a favor y tres en contra.

D'ixa traza, a sección Txokoa se dividió en cuatre subseccions: Albisteak ("Noticias"), Politikak ("Politicas"), Eskariak ("Peticions") y Laguntza ("Aduya").

Atariak ("Portals")

A calendata de marzo de 2010 a Wikipedia en basco tien os siguients portals monograficos:

Paises

Euskal Herriko Wikiatlasa: Atlas sobre Euskal Herria.
Alemaniari buruzko ataria: Portal monografico sobre Alemanya.
Bretainiari buruzko Ataria: Portal monográfico sobre Bretanya.
Kataluniari buruzko ataria: Portal monografico sobre Catalunya.
Eskoziari buruzko ataria: Portal monografico sobre Escocia.
Ameriketako Estatu Batuei buruzko ataria: Portal monografico sobre os Estaus Unius d'America.
Irlandari buruzko ataria: Portal monografico sobre Irlanda.
Galesi buruzko ataria: Portal monografico sobre Galas
Norvegiari buruzko ataria: Portal monografico sobre Noruega, en desembolique.

Luengaches

Euskarari buruzko ataria: Portal monografico sobre o Idioma basco.
Hizkuntzei buruzko ataria: Portal monografico sobre Luengaches, en desembolique.

Historia

Historiari buruzko ataria: Portal monografico sobre a Historia, en desembolique.

Amás d'istos portales existen numerosos Wikiprochectos sobre materias de cuantas tematicas.

Nueva Portalada Prencipal d'o 2010

O 18 de marzo d'o 2010 dimpués de celebrar-se previament a suya correspondient votación sobre o tema, s'engueró a nueva Portalada Prencipal d'o 2010.

Estatisticas

Numero d'articlos	Calendata	Articlo	Autor
1	6 d'aviento de 2001	Lurra	Drpolilla
1.000	abril de 2004
5.000	28 de chinero de 2006
10.000	28 de mayo de 2006
20.000	10 de setiembre de 2007
25.000	6 d'abril de 2008	Euskal Herriak Bere Eskola	Theklan
30.000	12 de setiembre de 2008	Sexu	Theklan
40.000	15 de chulio de 2009	Eden Project	Euskalduna
45.000	13 d'octubre de 2009	Xinmin Hiria	Zariquiegui
50.000	30 d'aviento de 2009	Errinozero	Theklan
60.000	8 de noviembre de 2010	Posta kode	Theklan
70.000	18 d'abril de 2011	Écurat	TheklanBot
80.000	22 d'abril de 2011	Kolonbiako geografia	Xirkan
90.000	1 de mayo de 2011	Isabel Farnesio	Xabitxu
100.000	15 de mayo de 2011	Euskararen debekua	Realizado por todos los usuarios activos de la Wikipedia en basco
120.000	27 d'aviento de 2011
130.000	5 de mayo de 2012
200.000	19 de setiembre de 2014	Malda (topografia)	Joxemai
250.000	26 de chunio de 2016	Abuwtiyuw	Theklan

Días en los que s'han creyato mas articlos

8 de noviembre de 2010: 456 articlos.
20 d'aviento de 2009: 248 articlos
8 d'octubre de 2009: 219 articlos
30 d'agosto de 2009: 141 articlos
7 d'octubre de 2009: 134 articlos
19 d'aviento de 2009: 127 articlos

Logos

Amás d'o logo prencipal d'a parte superior, a Wikipedia en basco ha realizau diferents logos propios para celebrar días importants u festivos, u atro tipo d'escaicimientos anyals, como por eixemplo a Euskal Astea ("Semana Basca"):