Verbos incoativos en anglés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Os verbos incoativos en anglés se pueden fer con a terminación d'orichen chermanico -en u con as terminacions d'orichen romanico -(i)fy y -ish.

Terminación -en

Historicament as luengas chermanicas como l'anglés formaban verbos incoativos con o sufixo -n- que en a mes gran part d'as luengas chermanicas perteneixeban a la segunda clase de verbos chermanicos febles. Este sufixo pervivió en anglés antigo como -nian y en anglés moderno como -en. Encara ye productivo como productor de verbos a partir d'adchectivos^[1], pero compite con -(i)fy.

Manimenos, os verbos con este sufixo son ergativos, y tamién tienen un sentiu causativo cuan se fan servir como transitivos. cualques eixempos:

Dark > darken.
White > whiten.
Hard > harden.
Thick > thicken.

Terminación -ify

A terminación -(i)fy deriva d'a terminación -(i)fier d'as luengas d'Oil (anglo-normando y francés), y se remonta a lo latín -(I)FICĀRE^[1] (que en aragonés ha dau -fegar por vía patrimonial y -ificar por vía culta). cualques eixemplos:

AEDIFICARE > edify.
MODIFICARE > modify.

A part d'os casos de presencia d'esta terminación por etimolochía, bi ha casos en os que l'analochía ha estau un factor determinant en que se trigás este sufixo y no un atro. A existencia d'o verbo tipify influyó en que se creyasen verbos con esta terminación a partir de monosilabos^[2].

Terminación -ish

L'anglés ampró verbos que teneban conchugacions incoativas en anglo-normando, que yeran pareixius a los d'o francés moderno (établir, finir, punir, ecetra). Estos verbos prenioron a radiz ixamplada acabada en -ish (to establish, to finish, to punish). L'anglés en prenió ampraus tantos que l'afixo -ish- cuasi se fació productivo como formador de verbos^[3]. Os verbos d'orichen incoativo con a terminación -ish presentan acentuación plana.

Referencias

↑ ^1,0 ^1,1 (en) T.F Hoad: The concise Oxford dictionary of english etimology. Oxford University Press, p 147, p 186.
↑ (es) Chris Pratt: El anglicismo en el español peninsular contemporáneo. Editorial Gredos, 1980. p 193.
↑ (en) Yakov Malkiel: Romance Philology, Volumen 27, nº 4-28. Editor: Brepols Publishers, 1974, p 443.

Gramatica de l'anglés

Fonetica	Accentuación · Fonetica · Fonolochía
Morfolochía	Adverbios (Adverbios espacials · Adverbios espacials deicticos · Adverbios de tiempo · Adverbios de manera · Adverbios de cantidat · Adverbios d'afirmación, negación y duda · Adverbios conchuntivos · Locucions adverbials) · Articlos en anglés · Chenero · Chenitivo saxón · Conchuncions · Adchectivos · Determinants en anglés (Demostrativos · Indefinitos · Numerals cardinals · Numerals ordinals) · Numero Substantivos incontables · Pronombres Pronombres relativos · Prefixo · Sufixo · Preposicions · Verbos (Verbos auxiliars · verbos modals · verbos con particla u phrasal verbs · verbos introductors · construccions verbo-nominals)
Sintaxi	Concordancia · Negación · Sintagma adchectival · Sintagma nominal · Complemento de rechimen verbal · Sintagma verbal · Do-support · Inversión · Voz pasiva · Oracions condicionals · Proposicions de relativo
Lexicolochía	Cultismos · Lexico (Arabismos · Castellanismos · Chermanismos · Escandinavismos · Galicismos · Helenismos · Italianismos) · Semicultismos
Ortografía	Normas ortograficas

Datos: Q25619854

[ETIMOXFORD-1] 1,0 ^1,1 (en) T.F Hoad: The concise Oxford dictionary of english etimology. Oxford University Press, p 147, p 186.

[ANGLICISMOENCASTELLANPENINSULAR-2] (es) Chris Pratt: El anglicismo en el español peninsular contemporáneo. Editorial Gredos, 1980. p 193.

[3] (en) Yakov Malkiel: Romance Philology, Volumen 27, nº 4-28. Editor: Brepols Publishers, 1974, p 443.

[1]

[2]

[3]