La Val de Carlos

La Val de Carlos Valcarlos Luzaide
Municipio de Navarra
Entidat  • Estau  • Comunidat  • Comarca	Municipio  Espanya  Navarra Auñamendi
Superficie	44,66 km²
Población  • Total	320 hab. (2013)
Altaria  • Meyana	365 m.
Distancia  • 64 km	enta Pamplona
Alcalde	Fernando Alzon Aldave
Codigo postal	31660
Coordenadas
La Val de Carlos La Val de Carlos en Navarra
Web oficial

La Val de Carlos (Valcarlos en castellán; Luzaide en basco) ye un municipio de Navarra situato en Auñamendi. La suya población ye de 423 habitants(2006), en una superficie de 44,66 km² con una densidat de población de 9,47 hab/km².

Toponimia

En lo libro Cronica de los Conquiridores s'escribe Vall de Karles quan parlan de la Batalla de Roncesvals:

con el emperador Karles enta Gascuenya enla Vall de Karles do la ora estava el exercitu atentado

Por lo que pareix lo nombre en luengas romances bien de como se clama lo puesto en la literatura epica, car lo ciclo carolinchio estió muito celebre en la Edat Meya, como tamién debioron estar celebres Roncesvals y la Val de Carlos como puntos de lo Camín de Sant Chaime que seguiban los franceses, occitans y gascons.

D'alcuerdo con una tendencia de lo navarro-aragonés, la preposición que bi ha en meyo se dixa de dicir (y s'entiende por contexto), orichinando lo toponimo oficial en castellán, Valcarlos.

Idioma basco

Hue en día o 65% d'habitants d'ista localidad son euskalduns u bascoparlants.

Seguntes o filologo Koldo Zuazo o dialecto d'o idioma basco parlato en Luzaide es o dialecto labortán u navarro-labortán (La Val de Carlos ye una d'as tres localidatz a on se parla ixe dialecto en l'Alta Navarra, as atras dos son Zugarramurdi y Urdazubi). Isto se debe a que a localidat de Luzaide encara que fa parti de l'Alta Navarra se troba a o norte d'o Puerto de Roncesvals (en a versant norte d'os Pireneus), en una val que cheograficament prencipia en La Val de Carlos y s'extendilla practicamente dica as puertas d'a ciudat de Sant Chuan Piet de Puerto, ya en Ultrapuertos u a Baixa Navarra. Ista razón cheografica fa que os habitants de La Val de Carlos haigan tenito una estreita relación con os suyos vecins baixo-navarros y Francia, mas que mas con os d'a localidat baixo-navarra d'Arnegi, mas amanata a Luzaide que a localidat alto-navarra d'Orreaga-Roncesvals.

Luzaidetarras famosos

• Juan Etxamendi (1792-1879), bertsolari.
• Enrike Zubiri "Manezaundi" (1867-1943), escritor en idioma basco.
• Fernando Arretxe (1961-), ex-pelotari profesional de man.
• Iker Arretxe (1985-), pelotari profesional de mano, fillo de Fernando Arretxe.

Se veiga tamién

• Lista de municipios de Navarra