Rumelís

Rumelís Balkan Türkleri
Mustafa Kemal - Nazım Hikmet Ran - Midhat Pascha
Rechions con comunidatz importants
Turquía Grecia Rumanía Bulgaria Macedonia d'o Norte
Idiomas
Turco
Relichión
Islam
Mapa

Os rumelís (en turco Balkan Türkleri) son os turcos musulmans que habitan en os Balcans y que en a suya mayor parte emigroron t'Anatolia quan l'Imperio Otomán y o gubierno d'os Chóvens Turcos perdeban o control d'a parte europea d'o suyo antigo territorio. A més d'os turcos rumelís que encara bi ha en a Turquía Europea, tamién bi n'ha en Tracia occidental (Grecia), en Rumanía, Bulgaria y Macedonia d'o Norte.

Historia

Os otomans fan acto de presencia en Europa en 1354, quan o fillo d'Osmán desembarca en Europa y prene Gallipoli y Tracia oriental. Murad I continó a obra d'o suyo padre en os Balcans con a ocupación de Bulgaria y Serbia, vencendo decisivament en a Batalla de Kosovo en 1389.

Parte d'os rumelís no descienden de turcos que emigroron enta os Balcans. Huei encara bi ha poblacions musulmanas que mantenioron lur luenga eslava u rumana, como ye o caso d'os pomacos u os meglenovlacos. En os tiempos de l'Imperio Otomán poblacions como ixas esdeveniban turcas quan deixaban de charrar lur luenga y preneban o turco.

En o sieglo XIX, quan países como Serbia, Grecia, Albania, Bulgaria u Rumanía obtenioron a independencia uns 4.500.000 turcos rumelís emigroron t'Anatolia. Yeran a mayor parte d'os turcos que i heba en ixos países y recibioron tierras en Anatolia. Os rumelís contribuyoron a la colonización agricola en zonas a on bi heba un nomadismo tradicional. Mustafá Kemal Atatürk estió un turco rumelí naixiu de Salonica.

Dimpués d'una guerra entre Turquía y Grecia, por o tractau de Lausana de 1923, 400.000 rumelís de Grecia fuoron forachitaus ta Turquía fueras d'os rumelís de Tracia Occidental en pagas por a expulsión de 1.650.000 griegos de Turquía fueras d'os griegos d'Estambul.

Bibliografía

• (es) Amiram Gonen: Diccionario de los pueblos del mundo. 1996. Anaya & Mario Muchnik.