Tuaregs

De Biquipedia
Ir ta: navego, busca
Tuaregs
Imuhagh
Targui.jpg
Tuareg con velo
Rechions con comunidatz importants
Flag of Niger.svg Nícher 1,790,000 (1998)
Flag of Mali.svg Mali 1,450,000 (1991)
Flag of Algeria.svg Alcheria 825,000 (1987)
Flag of Libya.svg Libia 620,000 (1993)
Flag of Burkina Faso.svg Burkina Faso 330,000 (1991)
Idiomas
Luengas tuaregs: Tamasheq, Tamajeq, Tamahaq
Relichión
Sunnismo
Pueblos relacionatos
Siwís, zenagas, cabilenyos, moros d'o Sahara
Mapa
Tuareg area.png
Aria con poblacions tuaregs importants

Los tuaregs son un grupo etnico habitador de lo Sahara que charran una luenga u unas luengas propias afins adintro de la familia berber, con un modo de vida tradicional de pastors nomadas, con una organización social en castas y practicants de la relichión musulmana.

Historia[editar | editar código]

La destrucción de lo Imperio Songai por part de los refuchiaus andaluces leyals a Marruecos permitió a bells tuaregs d'ocupar territorios mes enta lo sud, como los iulimiden en la rechión de Gao, que mientres lo sieglo XVIII facioron liga con la tribu clerical kunta y plegoron dica o norte de Timbuctú. La mes gran part de los kunta yeran a fins de lo sieglo XVIII de la confrairía sufí de la Qadiya.[1]

Los tuaregs han sufriu las consequencias de la descolonización, quedando dividius en diferents estatos postcolonials en los que s'ha pretendiu lur sedentarización y lur movilidat a traviés de las mugas.

En Archelia la espleitación de lo petrolio y gas natural de lo Sahara permitió una millora economica y que bells tuaregs se sedentarizasen. Esto y una sequera entre los anyos 1968 y 1974 en lo sud de lo Sahel fació que la mes gran part de los tuaregs d'archelia optasen por una vida urbana. Las sequeras de los anyos 1982 y 1985 facioron venir a Libia y Archelia muitos tuaregs dende Malí y Nícher. Muhammab Gaddafi fació entrenar militarment bells tuaregs pa empentar lo prochecto una republica tuareg.

En l'anyo 1987 los gobiernos de Nícher y Mali convidoron a tornar-se-ne a los tuaregs, pero no lis permitioron continar con lur modo de vida y los trancoron en campos de concentración. En Nícher lo exercito fació una mortalera de tuaregs en Tchin Tarabadene, y estió enchaquia d'una revuelta en l'anyo 1990 que sería esclafada.

La revuelta Tuareg s'estendilló a la compleganza de lo río Nícher y a las ciudatz de Gao y Timbuctú, lo gobierno fació mortaleras de mils de tuaregs, lo que fació fuyir a centenars de mils de tuaregs ta Mauritania y Archelia. En l'anyo 1991 se fació l'Alcuerde de Tamanrasset entre lo gubierno de Mali y quatre grupos tuaregs que permitiba un autogubierno en Adrar. Manimenos no remató la revuelta tuareg, ni tampoco atro alcuerde que se fizo dimpués de la revolución de 1992 que bi habió en Mali.

En l'anyo 2012 los tuaregs de Mali han formato lo Estato Independient d'Azawad.

Referencias[editar | editar código]

  1. Jean Sellier Atlas de los pueblos de Africa Editorial Paidós, 2005.

Bibliografía[editar | editar código]

  • Amiram Gonen, Diccionario de los pueblos del mundo. 1996 Anaya&Mario Muchnik.