Almozara
(Reendrezau dende Truixal)
- Ta o districto urbán de Zaragoza se veiga L'Almozara
Una almozara[1], almazara[1] (de l'arabe المعصرة, al-maʿṣara, a prensa) u truixal[1] (d'o latín torculāre, estruchar) ye un molín que se fa servir pa obtener aceite d'as olivas.
Una almozara tien cuatro parz:
- O truixal propiament dito, con un ruello pa esclafar olivas.
- A prensa, on se meten as olivas molitas entre separadors d'esparto y on se quita l'aceite, (con augua calient y presión alta).
- A caldera pa escalfar l'augua.
- As tenallas u balsas de decantación, on se desepara l'aceite por flotación.
A tecnolochía d'os molins d'aceite cuasi no cambeó dende tiempos d'os romanos dica prencipios d'o sieglo XX con as modernas prensas hidraulicas.
Por estar situatas en suelo urbán, muitas almozaras antigas han despareixito cuan han quiesto construir atras edificacions. Edificios que estioron almozaras y que encara huei podemos veyer-los son lo Molí de l'Hereu de Ráfals, o molín de Saganta, y os de Cinco Olivas, Borcha, Bardallur. En l'antigo parque Bruil de Zaragoza i heba un molín d'aceite dito de Goicoechea.
Referencias
[editar | modificar o codigo]- ↑ 1,0 1,1 1,2 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
Bibliografía
[editar | modificar o codigo]- Carlos Blázquez y Tomás Sancho: Obras hidráulicas en Aragón. CAI.
