Trofia
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
En Biolochía, una trofia (d'o griego τροφία, «trófia», alimentación) ye una estratechia d'obtención d'un recurso concreto por partes d'un organismo con a finalidat d'abastir bell proceso d'o suyo propio metabolismo.
As trofias pueden estudear-se dende o punto d'envista d'a obtención d'enerchía, d'a obtención d'«alimento» (u, en sentiu más purament bioquimico, precursors d'as biomoleculas propias) u d'a obtención de bell intermediario metabolico necesario que no remate fendo parte d'un biomolecula estructural de l'organismo ni sia una fuent d'enerchía, como os cations d'hidrocheno u os electrons que mueven a cadena de transporte d'electrons en a respiración celular. A disciplina que estudea as relacions troficas se diz ecolochía trofica.
Tipos de trofias[editar | modificar o codigo]
Enerchía[editar | modificar o codigo]
As trofias posibles dende o punto d'envista d'a enerchía son a fototrofia y a quimiotrofia, sin que s'haiga descrito garra atra posibilidat.
Alimento[editar | modificar o codigo]
- Autotrofia, en os organismos que sintetizan as suyas propias biomoleculas organicas a partir de precursors minerals u inorganicos que troban en o medio.
- Heterotrofia, en os organismos que depredan u consumen as biomoleculas organicas que son dipositadas en belatros organismos u partes d'ells.
Respiratorias[editar | modificar o codigo]
Muit ligadas con as trofias alimenticias, dica o punto a on que ye dificil deseparar-las, porque en a mayoría de casos os intermediarios de a respiración celular son tamién substancias que s'incorpora en l'organismo por medio de l'alimentación.