Fototrofia

De Biquipedia
Ir a la navegación Ir a la búsqueda
Un organismo fototrofo, l'alga Hydrodictyon reticulatum.

A fototrofia (d'o griego «phōs», luz, y «troph», alimento, nutrient) ye a capabilidat de qualques sers vivos d'emplegar a luz como fuent primaria d'enerchía, por contraposición a la quimiotrofia, que ye a capabilidat d'os organismos d'obtener enerchía d'as reaccions quimicas. Como eixemplos d'organismos que siguen ista estratechia, as plantas y os atros organismos que fan a fotosintesi son fototrofos por definición.

Os organismos fototrofos emplegan a enerchía d'a luz como catalizador (desencadenador) de belatros procesos quimicos. Os fototrofos se clasifican seguntes l'uso que le dan a ixa enerchía, isto ye, o tipo de reaccions que alimentan con ella; si as ditas reaccions son de naturaleza catabolica u anabolica. Asinas, os organismos que emplegan a enerchía d'a luz ta alimentar procesos metabolicos de construcción (anabolismo) de moleculas organicas complexas a partir de precursors inorganicos más simples reciben o nombre de fotolitotrofos (p.ex. as plantas), mientres que os organismos que emplegan ixa mesma enerchía ta degradar (catabolismo) compuestos organicos a moleculas más simples reciben o nombre de fotoorganotrofos (qualques bacterias).

Se veiga tamién[editar | editar código]