Quimiotrofia

De Biquipedia
Ir ta: navego, busca
Os animals semos quimiotrofos, porque obtenemos a enerchía d'a lisi d'enlaces moleculars. Y semos heterotrofos porque obtenemos as moleculas organicas directament (organotrofia) d'atros organismos.

A quimiotrofia (d'o griego, «quimios», quimica, y «trophos», alimento, nutrient) ye l'habilidat de qualques organismos d'aprofeitar a enerchía existent en os enlaces qumicos como fuent d'enerchía ta atros procesos biolochicos propios, por lisi metabolica d'as moleculas a on que se troba ixes enlaces, en analochía a cómo os fototrofos obtienen a suya enerchía d'a luz ta subministrar-le-ne a la resta d'o suyo metabolismo.

Dende o punto d'envista d'a enerchía, a quimiotrofia y a fototrofia son as dos solas alternativas posibles d'obtención d'enerchía por parte d'un ser vivo. Manimenos, en ecolochia de relacions troficas s'estudea tamién os fluxos de materia entre os diferents components d'un ecosistema, de forma que os conceptos se pueden combinar en parolas que tamién expresen información sobre a forma d'obtención de materia que tiene un organismo, dando lugar a termins como quimiolitotrofo quan as moleculas organicas se sintetizan a partir d'inorganicas, quimioorganotrofo quan o que se consume son compuestos organicos, quimioheterotrofo quan obtiene as moleculas d'un atro ser vivo, y quimioautotrofo en os casos excepcionals de que s'obtienga enerchía de moleculas captadas d'o exterior pero se sintetice as suyas propias moleculas organicas por fixación de carbonio inorganico.

Se veiga tamién[editar | editar código]