Toril
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Toril | |
| Lugar d'Aragón | |
 | |
| Entidat • País • Provincia • Comarca • Municipio |
Lugar Aragón.svg){kind=small} TeruelSierra d'Albarracín Toril y Masegoso |
| Partiu chudicial | Teruel |
| Población • Total |
18 hab. (2010) |
| Altaria • Meyana |
1.490 m. |
| Distancia • 46 km |
enta Teruel |
| Codigo postal | 44123 |
| Parroquial • Diocesi • Arcipestrau |
Teruel y Albarracín Albarracín |
| Coordenadas | |
Toril ye un de los dos lugars constituyents de lo municipio de Toril y Masegoso, en la provincia de Teruel (Aragón) y en la comarca de la Sierra d'Albarracín. La suya población ye de 18 habitants (2010).
Toponimia[editar | modificar o codigo]
Lo toponimo Toril se puede interpretar a partir de la cultura ganadera como un puesto a on cerraban toros[1], por eixemplo un toro que s'emplegaría como semental[2], sin poder-se descartar que fuesen toros de lidia[1]. En tauromaquia existe la parola toril pa dicir una puerta d'acceso de los toros a lo ruedo. En la Sierra d'Albarracín bi ha microtoponimos con la parola Toril en Bronchales (Los Toriles, en El Puerto cerca de la Fuent d'El Canto), y Oriuela (El Toril, a on que cerraban vacumen)[1].
Manimenos, en la Peninsula Iberica bi ha muitos toponimos con la parola Toril u Turil y existe la posibilidat d'interpretar-ne beluns a partir de luengas prerromanas adintro d'un conchunto de toponimos que constituyen la serie TUR-[3].
La primera mención probable de Toril como microtoponimo en lo Sud de la Sierra d'Albarracín se troba enta 1326 en lo "Libro de pasos, masadas, abrevaderos y dehesas" referiu a la heredat de Val de Cabriuel. En ixos tiempos no debeba d'existir como aldeya pero si como masada u grancha[1]:
Las mencions entre 1646 y 1713 tamién levan l'articlo definiu El (El Toril), manimenos dende 1717 s'escribe Toril sin d'articlo[4].
Cheografía[editar | modificar o codigo]
Toril ye situau a piet de la sierra de Chabalón, baixo la suya versant ueste; y a piet de Refrontón (1.598 m), baixo la suya versant sud. Seguindo-la enta lo Norte se plega dica un cruce con la A-1513 entre Terrient y Val de Cuenca, seguindo la carretera A-2703 enta lo Sud se plega dica Arroyofrido, y si chira a dreita se plega por la TE-912 a Masegoso.
Historia[editar | modificar o codigo]
Las mencions d'El Toril en 1457 y 1519 yeran como grancha u masada de la ciudat d'Albarracín, y tamién como termin d'esta ciudat[1].
Toril fue creyau en lo sieglo XVI. Perteneixió a la Vereda de Teruel en lo sieglo XVII y a lo Correchimiento d'Albarracín entre 1711 y 1833. En 1845 s'unió a Masegoso en un solo municipio[4].
Referencias[editar | modificar o codigo]
- ↑ 1,0 1,1 1,2 1,3 1,4 (es) Juan Manuel Berges Sánchez: Actividad y estructuras pecuarias en la Comunidad de Albarracín (1284-1516). Editor: Centro de Estudios de la Comunidad de Albarracín, 2007. p 250, pp 337-338, p 389.
- ↑ (es) Cuadernos del Salegar, Toponimia de Quintana del Pidio
- ↑ (es) Francisco Villar: Estudios de celtibérico y de toponimia prerromana. Volumen 260 d'Acta Salmanticensia. Universidad de Salamanca, 1995. ISBN 8474818095, 9788474818093. p 205.
- ↑ 4,0 4,1 (es) Antonio Ubieto Arteta: Historia de Aragón. Los Pueblos y los despoblados, III. Anubar ediciones, 1986. p 1252.
| Lugars d'o municipio de Toril y Masegoso | |
|---|---|
| Toril | Masegoso |