Tibalt II de Navarra

De Biquipedia
Ir ta: navego, busca
Tibalt II de Navarra
Rei de Navarra

1253-1270
Predecesor Tibalt I de Navarra
Succesor Henrique I de Navarra

Predecesor Tibalt IV de Campanya
Succesor Henrique III de Campanya

Naixencia 1238
Muerte 4 d'aviento de 1270
Flag of the Kingdom of Sicily.svg Tràpani (Secilia)
Pai Tibalt I de Navarra
Mai Margalida de Borbón-Dampierre

Tibalt II de Navarra (u Tibalt V de Campanya), naixito en 1238 y muerto en Tràpani (Secilia) o 4 d'aviento de 1270, estió rei de Nabarra, conte de Campanya (con o nombre de Tibalt V de Campanya) y conte de Bria, totz dende 1253 dica 1270.

Orichens familiars[editar | editar código]

Tibalt II de Navarra yera fillo de Tibalt I de Navarra y d'a suya tercera muller, Margalida de Borbón-Dampierre, filla d'Archambaud VIII, sinyor de Borbón.

Actividatz[editar | editar código]

Heredó a cadiera reyal d'o reino de Navarra con 14 anyadas, dimpués d'a muerte d'o suyo pai, Tibalt I, con a rechencia d'a suya mai, Margalida de Borbón-Dampierre, y con a tutela de Chaime I, rei d'Aragón.

O 27 de noviembre de 1251 churó os Fueros de Navarra, y s'enfrontinó con a nobleza de Navarra, aduyato por a burguesía. Asinas, se coronó con as ceremonias francesas, con aduya d'o Papa Aleixandre IV. Confirmó y concedió fueros locals y privilechios fendo servir o navarro-aragonés en os textos oficials.[1]

O 6 d'abril de 1255 casó con Isabel de Francia, filla de Loís IX de Francia y de Margalida de Provenza. A suya politica exterior yera favorable a la politica francesa, encara que más limitada por a suya muga con Castiella y Nabarra. Asinas, aconseguió l'1 de chinero de 1256 a cesión por Castiella, mientres él vivise, d'os puertos de Fontarrabia y Sant Sabastián ta as exportacions d'o reino nabarro.

En chulio de 1270 prenió parte con o suyo suegro en una Cruzata ta Túniz, a on morió o suyo suegro, Loís IX de Francia. En tornar ta Francia, Tibalt morió en Tràpani (Secilia) o 4 d'aviento d'ixa anyada, antis de plegar ta Francia.

Dimpués d'a suya muerte, li sucedió en os suyos títols o suyo chirmán, Henrique.

Matrimonios y fillos[editar | editar código]

Tibalt II no tenió fillos d'o suyo unico matrimonio con Isabel de Francia, filla de Loís IX de Francia.


Predecesor:
Tibalt I o Trobador
Rei de Nabarra
1253 - 1270
Succesor:
Henrique I de Navarra
Predecesor:
Tibalt IV de Campanya
Conte de Campanya
1253 - 1270
Succesor:
Henrique III de Campanya
Predecesor:
Tibalt IV de Campanya
Conte de Bria
1253 - 1270
Succesor:
Henrique III de Campanya


Referencias[editar | editar código]

  1. Luís Javier Fortun Pérez de Ciriza COLECCION DE FUEROS MENORES DE NAVARRA Y OTROS PRIVILEGIOS LOCALES. Revista Principe de Viana. Año nº 43, Nº 166-167, 1982 , pags. 951-1038 [1]