Tarabidau fisico libre

De Biquipedia
Ir a la navegación Ir a la búsqueda
Arduino Diecimila, un eixemplo de hardware libre

O tarabidau fisico libre, hardware libre, electronica libre u maquinas libres son a aquells dispositivos de tarabidau fisico en que as suyas especificacions y diagramas esquematicos son d'acceso publico, ya sía baixo bell tipo de pago u de forma gratuita. A filosofía d'o software libre ye aplicable a la d'o hardware libre y por ixo forma parte d'a cultura libre. Un eixemplo de hardware libre ye l'arquitectura UltraSparc en a que as suyas especificacions son disponibles baixo una licencia libre.

Os primers trangos d'o desembolique d'o hardware libre s'encetoron en 2001 con o Challenge to Silicon Valley publicau por Kofi Annan. Ya que a naturaleza d'o hardware ye diferent a la d'o software, y que o concepto de hardware libre ye relativament nuevo, encara no ha surtiu una definición exacta d'o termin.

Dau que o hardware tiene asociaus a ell costes variables directos, garra definición de software libre se puede aplicar dreitament sin modificación. Manimenos, o termin hardware libre s'ha usau prencipalment ta reflectar l'uso d'o software libre con o hardware y o lanzamiento libre d'a información respective a o hardware, a ormino incluindo o lanzamiento d'os diagramas esquematicos, disenyos, grandarias y unatra información sobre o hardware. De totz modos, incluye o disenyo d'o hardware y a distribución d'os elementos en a tarcheta mai.

Con l'auche d'os dispositivos de lochica programable reconfigurables, o feito de compartir os disenyos lochicos ye tamién una practica d'o hardware libre. En cuentas de compartir os diagramas esquematicos, o codigo HDL ye compartiu. Isto difiere d'o software libre. As descripcions HDL son usadas comunament ta instalar sistemas SoC en FPGA u dreitament en disenyos ASIC. Os modulos HDL, quan se distribuyen, son clamaus semiconductor intellectual property cores, u nuclios IP.

Existen muitas comunidatz que treballan en o disenyo, desembolique y prebas de hardware libre, y que amás dan refirme a os usuarios. Qualques d'ellas son Open Collector, OpenCores y o Prochecto gEDA

Se veiga tamién[editar | editar código]