Software libre

De Biquipedia
Ir ta: navego, busca


Gtk-find-and-replace.svg Ista pachina ha menester d'una revisión por un corrector ta amillorar a suya ortografía, a suya gramatica u o suyo vocabulario.
Gold piece.png
Iste articlo u sección ha menester d'un wikificato con un formato adecuato a lo manual d'estilo de Biquipedia.
Por favor, edita-lo ta cumplir con ellas. No borres iste aviso dica que no l'haigas feito. Colabora wikificando!

Software libre (en anglés free software, encara que ista denominación a vegadas se confunde con «gratis» por a ambigüedat d'o termin free en l'idioma anglés, por o que tamién s'usa libre software) ye a denominación d'o software que respecta a libertat de totz os usuarios que adquirioron o producto y, por tanto, una vegada obteniu o mesmo, puede estar usau, copiau, estudiau, modificau, y redistribuiu librement de quantas formas. Seguntes a Free Software Foundation, o software libre se refiere a la seguranza d'os usuarios ta executar, copiar, distribuir y estudiar o software, y mesmo modificar-lo y distribuir-lo modificau.

Un programa informatico ye software libre si atorga a os usuarios todas istas libertatz de traza adequada. En caso contrario no ye libre. Existen diversos esquemas de distribución que no son libres, y si bien podemos distinguir-los sobre a base de quánto les falta ta plegar a estar libres, o suyo uso bien puede estar considerau contrario a la etica en totz os casos por igual

O software libre gosa estar disponible gratuitament, u a o pre de coste d'a distribución a traviés d'atros medios; manimenos no ye obligatorio que sía asinas, por tanto no cal asociar «software libre» a «software gratuito» (denominau usualment freeware), ya que, conservando o suyo caracter de libre, puede estar distribuiu comercialment (software comercial). Analogament, o software gratis u gratuito incluye en ocasions o codigo fuent; manimenos, iste tipo de software no ye «libre» en o mesmo sentiu que o software libre, de no estar que se guarencien os dreitos de modificación y redistribución de ditas versions modificadas d'o programa.

Tampoco debe trafucar-se software libre con «software de dominio publico». Iste zaguer ye aquell software que no requiere de licencia, pos os suyos dreitos d'explotación son ta toda a humanidat, porque perteneixe a totz por igual. Qualsiquiera puede fer uso d'ell, consignando a suya autoría orichinal. Iste software sería aquell que o suyo autor lo dona a la humanidat u que os suyos dreitos d'autor han expirau. Si un autor condiciona o suyo uso baixo una licencia, por muit feble que sía, ya no ye d'o dominio publico.

Veyer tambien:[editar | editar código]