Disco duro
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un disco duro (en anglés Hard Disk Drive u HDD) ye un dispositivo d'almadacenamiento no volátil d'información. Se bi alzan grans cantidaz de datos dichitals en a superficie magnetizata d'os diferents discos (platter) que tien, os cuals chiran a gran velocidat. Fa parti d'a maquinaria d'a mayoría d'os ordinadors actuals. Entre os diferents tipos de memorias ye clasificato como memoria secundaria.
As caracteristicas prencipals d'un disco duro son a suya capacidat d'almadacenamiento (actualment dende bels gigabytes (GB) dica diez terabyte (TB), a suya velocidat de transferencia de datos (throughput, en MB/s), y o tiempo d'acceso (en ms), que ye condicionato por a velocidat de rotación (rpm u rotacions por menuto).
L'adchectivo duro les s'aplica en contraste con os floppy disks u discos flexibles, anteriors a los discos duros.
En 1956 os discos duros apareixioron por primera vegata en o mercato d'a man d'IBM. Orichinalment yeran desenvolicatos ta ordinadors de proposito cheneral.
En o sieglo XXI, as aplicacions d'os discos duros s'han enamplato dica incluyir maquinas de vidio, reproductors d'audio, PDA's, maquinas de fotos v vidioconsolas. En 2005 se presentó lo primer telefon móbil que encluyiba disco duro, fabricato por Samsung y Nokia.
A necesidat de sistemas d'almadacenamiento a gran escala que fuesen fiables y independients d'un dispositivo en particular, ha levato a la introducción de nuevas configuracions, como los RAID (Redundant Array of Independent/Inexpensive Disks).
Vinclos externos
[editar | modificar o codigo]
Se veigan as imáchens de Commons sobre o disco duro.- Cronolochía d'o disco duro.
| Control d'autoridaz |
|
|---|
Datos: Q4439- Multimedia: Hard disks / Q4439