Arduino
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Arduino ye una empresa d'hardware y software de codigo ubierto, una comunidat de prochectos y usuarios que disenya y fabrica microcontroladors de placa sola y kits de microcontroladors pa la construcción de dispositivos dichitals. Os suyos productos d'hardware tienen una licencia CC-BY-SA, mientres que o software tiene a licencia GNU Lesser General Public License (LGPL) u a GNU General Public License (GPL), que permite a fabricación de placas Arduino y a distribución de software por cualsiquiera. As placas Arduino son disponibles comercialment en a pachina web oficial u por meyo de distribuidors autorizaus.
Os disenyos de placas Arduino utilizan una variedat de microprocesadors y controladors. As placas son equipadas con conchuntos de pins de dentrada / salida (I/O) dichitals y analochicas que pueden connectar-se a cuantas placas d'expansión (clamadas 'shields') u placas de preba (pa la creyación de prototipos) y atros circuitos. As placas contan con interficies de comunicacions en serie, incluiu o bus serie universal (USB) en cualques modelos, que tamién s'utilizan pa cargar programas dende ordinadors personals. Os microcontroladors se pueden programar utilizando os luengaches de programación C y C++, utilizando una API estandar que tamién se conoixe como "luengache Arduino". Amás d'utilizar cadenas de ferramientas de compilación tradicionals, o prochecto Arduino proporciona un entorno de desembolique integrau (IDE) y una ferramienta de linia de comandos (arduino-cli) desembolicada en Go.
O prochecto Arduino prencipió en 2005 como que una ferramienta pa os estudiants de l'Instituto Interaction Design d'Ivrea, Italia, con l'obchectivo de proporcionar una traza facil y de baixo coste pa que os principiants y profesionals creyen dispositivos que interautúen con o suyo entorno por meyo d'actuadors. Os eixemplos comuns de tals dispositivos destinaus a aficionaus principiants incluyen robots simples, termostatos y detectors de movimiento.
O nombre Arduino promana d'una tabierna en Ivrea, Italia, an gosaban reunir-se beluns d'os fundadors d'o prochecto. A tabierna leva o nombre d'Arduin d'Ivrea, que fuo o margrave d'a Marcha d'Ivrea y rei d'Italia de 1002 a 1014.
Vinclos externos
[editar | modificar o codigo]- (en) Pachina web oficial
