Tafelspitz
| Tafelspitz | ||
|---|---|---|
 Tafelspitz | ||
| Cocina: | Gastronomía austriaca | |
| Orichen: |  Austria
| |
| Se mincha en: | Austria y Bavera | |
| Ingredients: | Carne y rabano | |
Tafelspitz (en alemán literalment carne ta a mesa, en dialecto vienés Tåfelspiz, en bavaro Dåfispitz) ye carne de vacuno feita bullir en caldo y servita con rabano picant. Se considera o "plato nacional" d'Austria[1] y ye tamién muit popular en o estato alemán vecín de Bavera.
Francisco-Chusé I, emperador d'Austria, yera un gran aimant d'o Tafelspitz. Seguntes o libro oficial de cocina de l'anyo 1912 que s'emplegaba en as escuelas d'hostelería de l'Imperio Austrohongaro, "A mesa privata d'a suya machestat nunca no ye sin una buena pieza de Tafelspitz, ya que ye uno d'os suyos platos favoritos."
O plato[editar | modificar o codigo]
Ta a suya elaboración, o Tafelspitz, se fa bullir en caldo con diferents tuberclos y especias. Por un regular se sirve con trunfas rustitas y una mezcla de manzanas esmicazadas con rabano u crema agra mezclata con rabano picant.
O tallo[editar | modificar o codigo]
O Tafelspitz ye a denominación d'o tallo de carne que se gosa quitar d'un buei choven. A zona de l'animal d'on se quita o Tafelspitz ye a esquena, dencima d'as garras zagueras.
Os carnicers austriacos dan un nombre diferent quasi a cada musclo d'a vaca. A garra zaguera nomás ya se puet dividir en 16 partis u tallos diferents: se i troban por eixemplo o Hüferscherzl, Hüferschwanzl, Nuss, Wadlstutzen, Gschnatter, Schwarzes Scherzl, Weißes Scherzl, Dünnes Kügerl y o Schalblattel tamién dito Fledermaus. Quan se talla a carne se gosa deixar a grasa ta evitar que s'ixuque.
Referencias[editar | modificar o codigo]
- ↑ (en) Vienna cuisine